काठमाडौं । विगत लामो समयदेखि क्यानडामा बस्दै आउनुभएका गायक बुद्धि अधिकारीले नयाँ गीत ‘जेजे माग्छौं माग’ सार्वजनिक गरेको केही समयमै युट्युबको संगीततर्फको ट्रेन्डिङको १८औँ स्थानमा आउन सफल भएको छ । गीतमा बुद्धिसँगै शान्तिश्री परियारको स्वर छ ।
गीतमा लय, शब्द राजकुमार बगरको रहेको छ भने संगीत संयोजन केशव बडूले गर्नुभएको छ । गीतको भिडियो गायक बुद्धिले आफ्नो युट्युब च्यानलमार्फत् सार्वजनिक गर्नुभएको हो । भिडियोमा मोडल सुधिर श्रेष्ठ र जुना विश्वकर्माको अभिनय छ । रेशम धर्नालीले खिचेको भिडियोमा अमृत चापागाईंको सम्पादन छ । भिडियोमा मुकेश नेपालीको कोरियोग्राफी छ ।
यो गीतको रेकर्ड क्यानडामै गरिएको हो । ‘यो गीतको मेरो पार्ट मैले यतै क्यानडामै गरेको हुँ । अन्य अडियो र भिडियोको काम नेपालमै भएको हो,’ बुद्धिले भन्नुभयो । ‘परदेशमा रहे पनि आफ्नो इच्छा छ र आफूमा प्रतिभा छ भने गीत रेकर्ड बाहिर पनि गर्न सकिन्छ भन्ने सन्देश पनि दिन चाहन्छु ।’ गायक बुद्धिले अहिलेको पुस्ता विशेषगरी धेरै देश बाहिर रहेको र नेपाली गीतसंगीत त्यो पनि मौलिक गीतप्रतिको रुचि घट्दै गएकाले युवापुस्ताको ध्यान यस किसिमका गीतमा जाओस् भन्ने सन्देश दिन खोजेको बताउनुभयो ।
बुद्धि नेपाली गीतसंगीतमा लामो समयदेखि सक्रिय हुनुहुन्छ । सिडी, क्यासेटको समयमा पशुपति क्यासेट सेन्टर सञ्चालन गर्नुभएका बुद्धिले पछिल्लो समय गीत गायनमा सक्रियता देखाउनुभएको छ । उहाँले लोकपप गीत हुँदै ‘दर्पण छायाँ, घाम पानी, दाउरी’ जस्ता गीतमा स्वर दिनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच