काठमाडौं । सिंगापुरमा सञ्चालन भएको १६औँ एसियन प्यासिफिक सितोरियो कराँते प्रतियोगितामा नेपालले दुई स्वर्ण, दुई रजत र पाँच कांस्य गरी कुल नौ पदक जितेको छ । नेपालका लागि सिनियर महिलातर्फ ६८ किलो तौलभन्दा माथि समूहमा १९औँ एसियन गेम्सकी रजत पदक विजेता एरिका गुरुङले नेपाललाई स्वर्ण पदक दिलाउनुभयो । त्यसैगरी महिलातर्फकै-५० किलो तौल समूहमा अञ्जली महर्जनले नेपाललाई स्वर्ण पदक दिलाउनुभयो ।
एलिशा रासकोटी मगर, टपी थापा र मेघा लिम्बूले महिलातर्फको टिमकाता र निरूपा दोङ तामाङले सिनियर महिलाको-५५ किलो तौल समूहमा रजत पदक दिलाउन सफल हुनुभयो ।
त्यसैगरी सिनियर महिला एकल कातामा एलिशा रासकोटी मगर, महिला जुनियरतर्फ–४५ किलो तौल समूहमा पोरसिया चौधरी, महिलाकै –६८ किलो तौल समूहमा आशिका राई, पुरुषतर्फको १६ वर्षमुनि एकल कातामा रेहान जावेद र सिनियर पुरुषतर्फ-८४ किलो तौल समूहमा मोहम्मद शेखु आलमले नेपाललाई कांस्य पदक दिलाउनुभयो ।
नेपाल सितोरियो कराँते संघका अध्यक्ष दावा गुरुङ हेड अफ डेलिगेट्स विशेष नेतृत्व र नेपाल कराँते महासंघका अध्यक्ष युवराज लामाको समग्र नेतृत्वमा नेपाली १२ खेलाडी, टिम म्यानेजर, रेफ्री, अफिसियल गरी कुल ३० जना एसियन प्यासिफिक सितोरियो कराँतेमा सहभागी भएको नेपाल सितोरियो कराँते संघका प्रवक्ता गजेन्द्रबहादुर खपांगी ‘ईश्वर’ले जानकारी गराउनुभयो ।
यसैगरी आइतबार एसियन प्यासिफिक सितोरियो कराँतेको विशेष अधिवेशन (कंग्रेस) मा नेपालका तर्फबाट नेपाल सितोरियो कराँते संघका अध्यक्ष दावा गुरुङ र सितोरियो कराँतेका संरक्षकसमेत रहनुभएका नेपाल कराँते महासंघका अध्यक्ष युवराज लामाले सहभागिता जनाउनुभएको थियो । नेपाली कराँते टोली सोमबार स्वदेश फर्किएको छ । टोलीलाई विमानस्थलमा स्वागत गरिएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच