काठमाडौं । चर्चित अभिनेत्री मनिषा कोइरालाले ‘फिल्म फेयर ओटीटी अवार्ड्स २०२४’ जित्नुभएको छ । उहाँले ‘हीरामन्डी’ मा दिएको उत्कृष्ट प्रदर्शनका लागि महिला, ड्रामा श्रेणीमा सर्वश्रेष्ठ अभिनेत्रीको अवार्ड जित्न सफल हुनुभएको हो ।
अवार्ड पाएसँगै मनिषाले सामाजिक सञ्जालमा निर्माण टिमलाई धन्यवाद दिनुभएको छ । उहाँले भन्नुभएको छ, ‘मलाई जीवनभरको भूमिका दिनुभएकोमा भन्साली प्रोडक्सनलाई धन्यवाद ।’ मे १ बाट नेटफ्लिक्समा स्ट्रीमिङ भएको यस वेव सिरिजलाई निकै रुचाइएको थियो ।
यसमा मनिषासहित सोनाक्षी सिन्हा, अदिति राव हैदरी, ऋचा चड्डा, ताना शाह बदुशा, सञ्जिदा शेख, शर्मिन सहगललगायतको अभिनय छ । सञ्जय लीला भन्साली निर्देशित यस वेब सिरिजमा हीरामन्डी नामक ठाउँमा बस्ने यौनकर्मीहरूको कथालाई समेटिएको छ ।
अवार्ड समारोहमा २९ वटा विधामा पुरस्कार वितरण गरिएको थियो । सबैभन्दा बढी १६ विधामा ‘हीरामण्डी’ मनोनयनमा परेको थियो । यस्तै, ‘गन्स एण्ड गुलाब्स’ १२ वटा र ‘काला पानी’ आड विधामा मनोनीत भएका थिए ।
सर्वोत्कृष्ट सिरिजको अवार्ड ‘द रेल्वे मेन’लाई प्राप्त भएको छ । सर्वोत्कृष्ट निर्देशकको अवार्ड भने ‘कालापानी’बाट समीर सक्सेना र अमित गोलानीले प्राप्त गर्नुभएको छ । ‘गन्स एन्स गुलाब्स’ का राजकुमार राव कमेडीतर्फ सर्वोत्कृष्ट अभिनेता ठहरिँदा ड्रामातर्फ ‘द तेल्गी स्टोरी’बाट गगन देभले सर्वोत्कृष्ट अभिनेताको अवार्ड प्राप्त गर्नुभयो । यस्तै सर्वोत्कृष्ट अभिनेत्रीको अवार्ड ड्रामातर्फ मनिषाले पाउँदा कमेडीमा ‘गुल्लाक सिजन-४’बाट गीताञ्जलि कुलकर्नीलाई दिइएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच