हेटौंडा । प्रहरीले १ सय ११ किलो लागू औषध गाँजासहित १ जना भारतिय नागरिकलाई पक्राउ गरेको छ । आज बिहान प्रहरी चौकी लेवट बसामाडी मकवानपुरबाट खटिएको प्रहरी टोलीले जिल्ला मकवानपुर हेटौंडा-३ तिनताप्के स्थित पुर्व पश्चिम लोकमार्ग सडकखण्डबाट उक्त गाजासहित एकजनालाई पक्राउ गरिएको हो ।
पक्राउ पर्नेमा गाडी चालक देश भारत जिल्ला मोतिहारी चैनपुर ढाका थाना बस्ने बर्ष ३० को महोमद समिर रहेको जिल्ला प्रहरी कार्यालय मकवानपुरले जनाएको छ ।
प्रहरीका अनुसार सवारी साधनहरु रोकी चेकजांच गर्ने क्रममा मनहरी तर्फबाट बिरगन्ज तर्फ जादै गरेको बा १० च ५३३ नं. को योद्धा पिकअप गाडी र चालक शंका लागि निजको शरीर तथा सो योद्धा पिकअप गाडी समेतको खानतलासी गर्दा उक्त गाडीको ढालामा बालुवा र मलले छोपि लुकाई छिपाई गरी ल्याईएको अवस्थामा लागू औषध गाँजा १११ किलो फेला परेको हो ।
उक्त लागुऔषध, पिकअप गाडी र चालक महोमद समिरलाई नियन्त्रणमा लिई थप अनुसन्धान कार्य भई रहेको प्रहरीले जनाएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच