इलाम । इलामको इलाम नगरपालिकाले शारीरिक अपाङ्गता भएका नागरिकका लागि सहायक सामग्री प्रदान गरेको छ । अपाङ्गता रोकथाम तथा पुनःस्थापना केन्द्र कार्यक्रमअन्तर्गत इलाम नगरपालिकाले नगर भित्रका शारीरिक अपाङ्ता भएका व्यक्तिहरुका लागि सहायक सामग्री वितरण गरिएको हो ।
अपाङ्गता भएका ब्यक्तिको ३३ औ अन्तर्राष्ट्रिय दिवसको अवसर पारेर नगरपालिकाले ह्विल चियर, वैशाखी, टवाइलेट चियर, सेतो छडी, वाकर, एल स्टीक, ट्राइपोड स्टीक, कान सुन्न सहयोगी यन्त्र आदि सामग्री प्रदान गरिएको हो ।
नगर भित्रका अपांगता भएका व्यक्तिलाई सहायक सामग्री वितरण गरिएको इलाम नगरपालिकाका प्रमुख प्रशासकिय अधिकृत गणेश कुमार खड्काले बताउनुभयो ।
जसमा ७ जनालाई ह्विल चियर, १ लाई वैशाखी, ४ लाई टवाइलेट चियर, २ लाई सेतो छडी, १२ लाई वाकिङ स्टिक, ७ जनालाई कान सुन्न सहयोगी हेयरिङ एड मेसिन, एयर मयाट्रेस ६ जनालाई प्रदान गरिएको छ भने २४ जना शैक्षिक सामाग्री, १२ न्यानो कपडासमेत बितरण गरिएको छ ।
सहायक सामाग्री वितरण गर्दै नगरपालिका प्रमुख केदार थापाले शारीरिक रूपमा अपाङ्ग भए पनि मानसिक रूपमा सबै जना निकै सक्षम रहेको बताउनुभयो ।
यस्तै, नगर उपप्रमुख बिष्णु दाहालले क्षमता हुँदाहुँदै पनि केही मानिसहरू अपाङ्गताको अवस्थामा बस्नुपरेको बताउनुभयो । नगर प्रमुख केदार थापाको अगुवाईमा उपप्रमुख बिष्णु दाहाल, प्रमुख प्रशासकिय अधिकृत गणेश खड्कासहित विभिन्न वडाका वडा अध्यक्षहरुको उपस्थितिमा सहायक सामग्री वितरण गरिएको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच