काठमाडौं । नेपाल बिमा प्राधिकरणले विभिन्न १० वटा बिमा कम्पनीलाई कारबाही गरेको छ । सम्पत्ति शुद्धीकरण तथा आतंकवाद क्रियाकलापमा वित्तीय लगानी निवारणसम्बन्धी जानकारी नदिएपछि प्राधिकरणले १० कम्पनीलाई कारबाहीस्वरूप पहिलो चरणमा सचेत गएको हो । सम्पत्ति शुद्धीकरण ऐन २०६४ को दफा ३५ (ख) र प्राधिकरणले जारी गरेको सम्पत्ति शुद्धीकरण तथा आतंकवाद क्रियाकलापमा वित्तीय लगानी निवारण निर्देशन २०८१ को ६ (६) बुँदा बमोजिम पुनर्बिमा कम्पनी, जीवन बिमा कम्पनी, निर्जीवन बिमा कम्पनी र लघुबिमा कम्पनीलाई पहिलो चरणमा सचेत गराइएको प्राधिकरणले जनाएको छ ।
सम्पत्ति शुद्धीकरण ऐन २०६४ अनुसार कुनै व्यक्ति वा संस्थाले बिमा कम्पनीमा शंकास्पष्ट कारोबार गरेको पाइएमा नियमनकारी निकायलाई विवरण बुझाउनुपर्ने छ । प्राधिकरणले जारी गरेको निर्देशनबमोजिम बिमकले सेवा लिएका लेखापरीक्षक, बिमांकी, बिमा मध्यस्थकर्ता, अन्य बिमा सेवा प्रदायक, अभिकर्ता तथा परामर्शदाताको विवरण अद्यावधिक गरी प्रत्येक आर्थिक वर्ष समाप्त भएको एक महिनाभित्रमा प्राधिकरणमा पेश गर्नुपर्नेछ । निर्देशन पालना नगरेमा प्राधिकरणले कारबाहीस्वरूप कुनै निश्चित बिमा व्यवसाय गर्न पाउनेदेखि आर्थिक जरिवानासमेत गर्न सक्ने व्यवस्था छ ।
प्राधिकरणका अनुसार निर्देशन उल्लंघन गर्दै आर्थिक वर्ष समाप्त भएको पाँच महिना बितिसक्दा पनि उल्लेखित कम्पनीले प्राधिकरणलाई विवरण बुझाएका छैनन् । विवरण नबुझाउनेमा नेपाल पुनर्बिमा कम्पनी, हिमालयन पुनर्बिमा कम्पनी, राष्ट्रिय बिमा कम्पनी, ओरियण्टल इन्स्योरेन्स, नेसनल इन्स्योरेन्स, नेसनल लाइफ, एसियन लाइफ, ट्रष्ट माइक्रो इन्स्योरेन्स, नेपाल माइक्रो इन्स्योरेन्स र क्रेष्ट माइक्रो इन्स्यारेन्स रहेका छन् । पहिलो कारबाहीपछि पनि निर्देशन पालना नगरेमा थप कारबाही गरिने प्राधिकरणले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच