भक्तपुर । नेपालको सांस्कृतिक र ऐतिहासिक सम्पदाले भरिपूर्ण भक्तपुर नगरपालिकामा यही मंसिर २८ गतेदेखि पुस २ गतेसम्म भक्तपुर महोत्सव २०८१ को आयोजना हुने भएको छ । महोत्सवको उद्घाटन भक्तपुर दरबार क्षेत्र लायकूमा मंसिर २८ गते बिहान ११ बजे गरिने छ । भक्तपुर नगरपालिकाको संयोजनमा आयोजना हुने यो महोत्सवले भक्तपुरको सांस्कृतिक धरोहर, व्यापारिक गतिविधि, र पर्यटन प्रवर्द्धनलाई एकसाथ अघि बढाउने उद्देश्य लिएको छ।
महोत्सवका प्रमुख कार्यक्रमहरू महेश्वरी खेल मैदानमा केन्द्रित हुनेछन् । आयोजक समितिका अनुसार, महेश्वरी खेल मैदानमा झण्डै १०० वटा स्टल राखिनेछन् । ती स्टलहरूमा दैनिक उपभोग्य सामग्री, लत्ताकपडा, खाद्यान्न, अटोमोबाइल, जुत्ता, कृषि उत्पादन, र हस्तकला सामग्रीहरू प्रदर्शनी तथा बिक्री गरिनेछ । हालसम्म ८० प्रतिशत स्टलहरूको बुकिङ भइसकेको छ ।
भक्तपुरका १० वडाहरूलाई समेट्दै नगरका ३२ स्थानमा विविध प्रदर्शनीहरूको आयोजना गरिनेछ । प्रदर्शनीहरूमा भक्तपुरको ऐतिहासिक सम्पदा, स्थानीय कला र परम्परागत सांस्कृतिक कार्यक्रमहरू प्रदर्शन गरिने छन् । यी कार्यक्रमहरूले भक्तपुरको नेवारी जीवनशैलीलाई उजागर गर्दै स्थानीय कला र परम्पराको संरक्षणमा योगदान पुर्याउनेछन् ।
महोत्सवको आयोजना भक्तपुर युवा टिम गोल्मढीले गरिरहेको छ । महोत्सव व्यवस्थापनका लागि नगरपालिकाले विभिन्न स्थानीय संस्थाहरूलाई सहयोगी भूमिकामा अघि बढाएको छ । महोत्सवका लागि महेश्वरी खेल मैदानमा अहिले नै स्टल निर्माण तथा अन्य तयारीका कार्यहरू तीव्र गतिमा भइरहेको छ ।
भक्तपुर महोत्सव २०८१ भक्तपुरको सांस्कृतिक महत्वलाई उजागर गर्दै आर्थिक र सामाजिक गतिविधिलाई प्रवर्द्धन गर्ने एउटा ऐतिहासिक अवसरका रूपमा हेरिएको छ। यस महोत्सवले स्थानीय उत्पादन र सेवाहरूको प्रवर्द्धन गर्नेछ, तर रोजगार सृजना गर्दै स्थानीय समुदायको जीवनस्तर सुधार्न पनि योगदान दिनेछ।
यो महोत्सव २०५४ सालपछि भक्तपुरमा यति ठूलो स्तरमा आयोजना गरिदैछ। यसले भक्तपुरलाई आन्तरिक र बाह्य पर्यटकका लागि थप आकर्षक गन्तव्यका रूपमा स्थापित गर्ने अपेक्षा गरिएको छ । स्थानीय बासिन्दाहरूको सहभागिताले महोत्सवलाई थप प्रभावकारी बनाउने विश्वास लिइएको छ ।
भक्तपुर महोत्सव २०८१ ले सांस्कृतिक सम्पदाको संरक्षण, स्थानीय अर्थतन्त्रको प्रवर्द्धन, र पर्यटन विकासका माध्यमबाट भक्तपुरको पहिचानलाई राष्ट्रिय तथा अन्तर्राष्ट्रिय स्तरमा मजबुत बनाउनेछ। पाँचदिने यो महोत्सवले भक्तपुरलाई एक सांस्कृतिक, व्यापारिक र पर्यटकीय गन्तव्यका रूपमा स्थापित गर्नेछ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच