एजेन्सी । विश्व प्रसिद्ध अर्जेन्टिनी फुटबलर लियोनल मेसीले मेजर लिग सकर (एमएलएस)को ‘मोस्ट भ्याल्युएबल प्लेयर अवार्ड’ जित्नुभएको छ । इन्टर मायामीलाई पहिलोपटक ‘सपोट्र्स शिल्ड’ उपाधि जिताउनुभएका मेसी सन् २०२४ का लागि एमएलएस, एमभिपी घोषित हुनुभएको थियो ।
बार्सिलोना तथा पेरिस सेन्ट जर्मेन (पिएसजी)का पूर्व स्ट्राइकर मेसीले मायामीलाई नियमित सिजनमा कीर्तिमानी अंकतालिकामा पु¥याउनुभएको थियो । मायामीले ७४ अंक जोड्दै शीर्ष स्थानमा सिजन टुंग्याएको थियो । तर, प्ले अफको पहिलो चरणमा भने पराजित हुन पुग्यो ।
मेसीले क्लबका लागि यो सिजनमा १९ खेलमा २० गोल र १६ एसिस्ट गर्नुभएको थियो । मायामीको इतिहासमा एमएलएसको व्यक्तिगततर्फ सबैभन्दा प्रतिष्ठित अवार्ड जित्ने मेसी पहिलो हुनुहुन्छ । पत्रकार, खेलाडी र टेक्निकल स्टाफले लिगमा महत्वपूर्ण भूमिका निर्वाह गर्ने खेलाडीलाई दिइने यस अवार्ड विजेता चुन्ने गर्छन् ।
मेसीले कोलम्बस क्रिउका चुचो हर्नान्डेजलाई पछि पार्दै यो उपाधि जित्नुभएको हो । ३७ वर्षीय मेसीले ३८.४३ र चुचोले ३३.७ प्रतिशत मत पाउनुभएको थियो । मायामीकै टिममेट लुइस स्वारेज, पर्टल्यान्ड टिम्बर्सका मिडफिल्डर इभान्डर, डिसी युनाइटेडका क्रिस्टियन बेन्टेक पनि प्रतिस्पर्धामा हुनुहुन्थ्यो । विश्वकप विजेता मेसी आठपटकको बलुन डी’ओर विजेता हुनुहुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच