काठमाडौं । सूर्य नेपाल गल्फ टुर २०२४/२५ अन्तर्गत दोस्रो प्रतियोगिता सूर्य नेपाल काठमाडौं ओपनको पहिलो दिन जयराम श्रेष्ठ ४-अण्डर ६४ सहित शिर्ष स्थानमा रहनुभएको छ । उहाँले विष्णुप्रसाद शर्मा र निरज तामाङलाई एक स्ट्रोकले पछि पार्नुभयोे । रोयल नेपाल गल्फ क्लवमा मंगलबारदेखि शुरू भएको प्रतियोगितामा प्रो जयरामले बोगी रहित स्कोर कार्ड निकाल्ने क्रममा फ्रन्ट नाइन र ब्याक नाइन दुवै २-अण्डर ३२ मा सकाउनुभयो । उहाँले चौथो, आठौं, दशौं र बाह्रौँ होलमा बर्डी प्रहार गर्नुभयो ।
संयुक्तरुपमा दोस्रो स्थानमा रहेका विष्णुप्रसाद शर्मा र निरज तामाङले ३-अन्डर ६५ सहित पहिलो दिनको खेल सकाउनुभयो । विष्णुले पहिलो र सातौं होलमा एक-एक सट बचाउँदै फ्रन्ट नाइन २-अन्डर ३२ मा सकाउनुभयो । यसपछि ११औं होलको बोगी विरूद्ध १२औं र १३औं होलको दुई बर्डीले ब्याक नाइन १-अण्डर ३३ मा पूरा गर्नुभयोे । डिफेन्डिङ च्याम्पियन निरजले दोस्रो होलमा बोगी प्रहार गरेपनि चौथो र पाँचौँ होलको बर्डीले फ्रन्ट नाइन १-अण्डर ३३ खेल्नुभयो । यसपछि १०औं र ११औं होलमा लगातार दुई बर्डी प्रहार गर्नुभएका उहाँले ब्याक नाइनमा २–अण्डर ३२ को स्कोर दर्ज गर्नुभयो ।
नेपाल नम्बर एक एमेच्योर गल्फर सद्भाव आचार्य २-अन्डर ६६ सहित चौथो स्थानमा रहनुभयो । यो स्कोरमा उहाँ एमेच्योरतर्फ भने शिर्षस्थानमा हुनुहुन्छ । उहाँले राहुल विके र ज्ञानबहादुर ढेंगालाई ४ स्ट्रोकले पछि पार्नुभयो । ७२ होलको चार दिने प्रतियोगितामा ३३ प्रोफेसनल र १२ एमेच्योर गरी ४५ खेलाडीको सहभागीता रहेको छ । कुल सात लाख ३५ हजार नगद पुरस्कार राशीको लागि प्रतिष्पर्धा गर्नेछन् । विजेताले उपाधिसँगै एक लाख ५० हजार प्राप्त गर्नेछ । दोस्रो र तेस्रो हुने खेलाडीहरूले क्रमशः ८५ हजार र ६८ हजार नगद पुरस्कार हात पार्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच