लण्डन । च्याम्पियन्स लिग फुटबलमा बार्सिलोनाले घरेलु टोली बोरुसिया डर्टमन्डलाई हराएको छ । बुधबार राती सम्पन्न खेलमा बार्सिलोनाले डर्टमन्डविरुद्ध ३-२ को रोमाञ्चक जित दर्ता गरेको हो ।
सिंगल इडुना पार्कमा बार्सिलोनाका लागि फेरान टोरेसले दुई र राफिन्हाले एक गोल गर्नुभयो । डर्टमन्डका लागि दुवै गोल सेरहाउ गुइरासीले गर्नुभयो । खेलको ५२औँ मिनेटमा राफिन्हाको गोलमार्फत् बार्सिलोनाले अग्रता लिएको थियो । आठ मिनेटपछि नै गुइरासीले डर्टमन्डका लागि बराबरी गोल फर्काउनुभयो ।
टोरेसले ७५औँ मिनेटमा गोल गर्दा बार्सिलोना २-१ ले अगाडि बढ्यो । तीन मिनेटपछि नै गुइरासीले व्यक्तिगत दोस्रो गोल गर्दै डर्टमन्डलाई २-२ को बराबरीमा ल्याउनुभयो । निर्धारित समय सकिन पाँच मिनेट बाँकी रहँदा टोरेसले व्यक्तिगत दोस्रो गोल गर्दै बार्सिलोनालाई ३-२ को रोमाञ्चक जित दिलाउनुभयो । जितसँगै ६ खेलमा १५ अंक जोडेको बार्सिलोना दोस्रो स्थानमा उक्लिएको छ । पराजित डर्टमन्ड समान खेलबाट १२ अंकका साथ १०औँ स्थानमा छ ।
खराब लयमा रहेको म्यानचेस्टर सिटी भने पुनः पराजित भएको छ । एलियान्ज स्टेडियममा बुधबार राती भएको खेलमा घरेलु टोली युभेन्ट्सले सिटीलाई २-० ले पराजित गरेको हो । घरेलु टोलीलाई जिताउन डुसान भ्लाहोभिक र वेस्टन म्याकेनीले गोल गर्नुभयो । यो जितसँगै युभेन्ट्स ६ खेलबाट ११ अंक बटुल्दै १४औँ स्थानमा उक्लिएको छ । समान खेलबाट आठ अंक जोडेको सिटी २२औँ स्थानमा छ । लिगअन्तर्गतका अन्य खेलमा लिलले एसके स्ट्रम ग्रजलाई ३-२, फेयनुर्डले स्टार्टा प्रागलाई ४-२ र स्टुटगार्टले योंग ब्वाइजलाई ५-१ ले पराजित गरे । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच