टोरन्टो । नेपाली र नेपालको अन्तर्राष्ट्रिय परिचय दिने टोपीलाई अन्तर्राष्ट्रीयकरण गर्नुपर्ने विचार टोपी दिवसको कार्यक्रममा विभिन्न सहभागीवक्ताले प्रकट गरेका छन् । नेपालको झण्डा संसारको भन्दा फरक भएको, सगरमाथा, लुम्बिनी, पशुपतिनाथ, मुक्तिनाथले विशेष परिचय दिएको अवस्थामा टोपी खास गरी ढाका टोपी र भाद्गाउले टोपीसमेतले नेपाललाई चिनाउनसक्ने भएको हुनाले यो टोपी दिवस विशेष सांस्कृतिक पर्वका रूपमा मनाउनुपर्नेमा वक्ताहरूको जोड् थियो ।
गैरआवासीय नेपाली संघ (एनआरएन)को आयोजनामा जुममार्फत भएको टोपी सम्वाद कार्यक्रमको प्रमुख अतिथि हुनुहुन्थ्यो क्यानडाका लागि नेपालका महामहिम राजदूत भरतराज पौडेल र विशेष अतिथिका रूपमा मानव अधिकारकर्मी, साहित्यकार तथा हिमालय टाइम्स राष्ट्रिय दैनिकका प्रधान सम्पादक प्रा.पुरुषोत्तम दाहाल, एनआर एन एआइसिसीका सहकोषाध्यक्ष अभिमन्यु बस्नेत, गैरआवासीय नेपाली संघ क्यानडाका निवर्तमान अध्यक्ष दीपक गौतम, एनआरएनए क्यानडा विषय विज्ञद्वय प्राडा.गोविन्द सिंह राउत र डा.पूर्ण कँडेल, लण्डन नेपाली कम्युनिटी सदस्य तथा पुराना पत्रकार ज्योति वैद्यले टोपीको महत्व, यसको परम्परा र वैज्ञानिक सन्दर्भहरूबारे चर्चा गर्नुभएको थियो ।
एनआरएनए क्यानडाका अध्यक्ष प्रज्वल कार्कीको सभापतित्वमा सम्पन्न सो कार्यक्रममा उपाध्यक्ष किरोज श्रेष्ठले स्वागत मन्तव्य दिनुभएको थियो । साथै क्यानडामा टोपी दिवसको सन्दर्भ र पृष्टभूमिबारे एनआरएन क्यानडाका अध्यक्ष माधव दुलालले प्रकाश पार्नु भएको थियो ।
कार्यक्रमको संयोजन तथा सञ्चालन एनआरएन क्यानडाकी महासचिव चन्दा अधिकारीले गर्नुभएको थियो । विगत दुई दशकअघिदेखि क्यानडामा बसोवास गर्ने, विभिन्न पेशा व्यवसायमा काम गर्ने वा अध्ययन गर्ने नेपालीहरूको प्रयासमा टोपी दिवस आरम्भ गरिएको समेत बताइएको थियो । अंग्रेजी पात्रो अनुसार नव वर्षको पहिलो दिन पारेर आरम्भ यो दिवसलाई भविष्यमा थप परिचयात्मक बनाउँदै लैजाने र सहभागितासमेत विस्तार गर्ने जानकारी महासचिव चन्दा अधिकारीले दिनुभएको थियो ।
अधिकारीका अनुसार सो दिन क्यानडाका विभिन्न शहरमा समेत गैरआवासीय नेपाली संघ क्यानडा र यहाँस्थित विभिन्न संघसंस्थाको आयोजनामा नेपाली टोपी दिवस कार्यक्रम सम्पन्न भएका थिए ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच