काठमाडौं । चलचित्र ‘होस्टेल ३’ को दोस्रो पोष्टर सार्वजनिक गरिएको छ । आगामी फागुन २३ गतेदेखि सिनेमाघरमा आउने तयारीमा रहेको चलचित्रको पोष्टरमा सबै प्रमुख कलाकारहरूलाई स्थान दिइएको छ । यसअघि चलचित्र पहिलो झलक देखिने गरी चार मुख्य अभिनेताहरू आशिष घिमिरे, पारस बम (कुलब्वाई), रिहान गिरी र पदम तामाङलाई रमाइलो मुद्रामा राखी पोष्टर सार्वजनिक गरिएको थियो । नयाँ पोष्टरमा भने यी कलाकारसहित अभिनेत्रीहरू सिम्रन पन्त, हेना नगरकोटी र समा पराजुलीलाई राखिएको छ । राकेश दाहालले पोष्टर डिजाइन गर्नुभएको हो ।
‘होस्टेल ३’ ले क्याम्पस जीवनका संघर्ष, मित्रता र रमाइलो क्षणको कथा समेट्ने अपेक्षा गरिएको छ । यो चलचित्र नेपाल रिलिज मितिमै अन्य विभिन्न देशमा प्रदर्शनमा आउने तयारी छ ।
चलचित्रको निर्देशन सशान कँडेलले गर्नुभएको हो भने स्क्रिप्ट माधव शर्माले लेख्नुभएको हो । कथा निर्देशक कँडेलकै हो । चलचित्र सम्मान इन्टरटेनमेन्टले आरोन कन फिल्म्ससँगको सहकार्यमा निर्माण गरेको हो । निर्माताहरू सुरेश कँडेल, कर्ण कार्की र गोविन्द अधिकारी तथा कार्यकारी निर्माता शंकर कोइराला हुनुहुन्छ । सहनिर्माताहरूमा शिशिर ज्ञवाली, कुन्दन गुप्ता र अनिस सिग्देल तथा लाइन प्रोड्युसर कोसिसराज क्षेत्री रहनुभएको छ । यसमा उमर खान, सन्तोष बानियाँ, रोहन श्रेष्ठ, आशिष पुरुषलगायत कलाकारको अभिनय छ ।
अर्जुन तिवारीको डिओपी, बुद्ध थापा र मनोज खत्री सिनेमाटोग्राफर, सुदीप कुँवर मुख्य सहायक निर्देशक रहेको चलचित्रमा यमप्रसाद ओली प्रोडक्सन डिजाइनर हुनुहुन्छ । चलचित्रमा संगीत अर्जुन पोखरेल, अलमोडा राणा उप्रेती, महेश ज्ञवाली र किरण माइकलको रहेको छ । विकास दाहालको सम्पादन, प्रवीण सिंह र रोशन विश्वकर्माको कोरियोग्राफी, हिमाल केसीको द्वन्द्व निर्देशन छ । नेपाल वितरक आरआर फिल्म्स र काफिया फिल्म्स हुन् ।
‘होस्टेल ३’ यसअघि प्रदर्शन गरिएका ‘होस्टेल’ र ‘होस्टेल रिटन्र्स’ को सफलतापछि निर्माण गरिएको हो । यसले युवा पुस्तामाझ राम्रो चर्चा पाउने अपेक्षा गरिएको छ । यो शृंखलालाई नयाँ प्रतिभाको उद्गमस्थलको रूपमा लिइन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच