काठमाडौं । एन्फा यु१६ युथ लिगको पछिल्लो खेलमा सशस्त्र प्रहरीको एपीएफ क्लब र थ्रीस्टार क्लब विजयी भएका छन् । सातदोबाटोस्थित एन्फा मैदानमा भएको खेलमा एपीएफले चर्च ब्वाईज युनाइटेडलाई तीन-दुई र थ्रीस्टारले हिमालयन शेर्पा क्लबलाई दुई-एक गोलले पराजित गरेको हो ।
एपीएफविरुद्धको खेलमा अग्रता भने २४औं मिनेटमा सनिङ मगरको गोलबाट चर्च ब्वाइजले लिएको थियो । पहिलो हाफमा अग्रता लिए पनि दोस्रो हाफमा लय गुमाउँदा चर्च ब्वाइज हार भोग्न बाध्य भयो । दोस्रो हाफको पाँचौं मिनेटमा किपरलाई बिट गराउँदै एपीएफले बराबरी गोल फर्काएको थियो । पुनः चर्चले अग्रता बनायो । तर, ६६औं मिनेटमा अभिन बस्यालले पेनाल्टीमार्फत् गोल गर्दै खेल बराबरीमा ल्याउनुभयो ।
८३औं मिनेटमा चर्च ब्वाइजले आत्मघाती गोलको उपहार दिएपछि एपीएफ अग्रता बनाउन सफल भएको थियो । सोपछि गोल हुन सकेन र खेल एपीएफले तीन–दुईले जित्यो । एन्फा मैदानमै शुक्रबार भएको अर्को खेलमा भने थ्रीस्टारले हिमालयन शेर्पालाई दुई–एक गोलले पराजित गर्यो ।
पहिलो हाफ गोलरहित बराबरीमा सकिएपनि ४७औं मिनेटमा अमिर तामाङले गोल गर्दै हिमालयन शेर्पालाई अग्रता दिलाउनुभएको थियो । तर, ६१औं मिनेटमा राज बमले गोल गर्दै खेल बराबरीमा ल्याउनुभएको थियो । ६८औं मिनेटमा भुपेन्द्रबहादुर रावतले गोल गरेपछि थ्रीस्टार खेलमा अग्रता बनाउन सफल भयो । सो पछि गोल हुन सकेन र थ्रीस्टारले साँधुरो जित निकाल्यो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच