भोजपुरको हेलौछामा अस्थायी प्रहरी चौकी स्थापना

निरोज कोइराला भोजपुर, संवाददाता

Friday January 10, 2025

निरोज कोइराला भोजपुर, संवाददाता

Friday January 10, 2025

Read Time = 2 mins

डिजिटल संस्करण

कोशी प्रदेश

प्रदेश समाचार

A A- A+

भोजपुर । शान्ति सुरक्षाको माग गर्दे अस्थायी प्रहरी चौकी माग गरिएपछि भोजपुरको हेलौछामा अस्थायी प्रहरी चौकी स्थापना गरिएको छ ।

भोजपुर नगरपालिका वडा नम्वर दुई, हेलौाछामा शुक्रवारबाट अस्थायी प्रहरी चौकी स्थापना भएको हो । अस्थायी प्रहरी चौकीको भोजपुर नगरपालिकाका नगर प्रमुख कैलाशकुमार आले, प्रमुख जिल्ला अधिकारी नरबहादुर थापा लगायतले उद्घाटन गरेसँगै चौकी संचालनमा आएको हो ।

प्रहरी चौकी स्थापनाका लागि माग भए अनुसार नगरपालिका क्षेत्रको दुई नम्वर वडामा प्रहरी चौकी स्थापना भएको भोजपुरका प्रमुख जिल्ला अधिकारी थापाले बताउनुभयो । जनताको माग र सरोकारवाला निकायको पहलमा हेलौछामा चौकी स्थापना गरिएको जिल्ला प्रहरी कार्यालय भोजपुरले जनाएको छ ।

अस्थायी प्रहरी चौकी स्थापना भएपछि शान्ति सुरक्षा कायम गर्न सहज हुने र ग्रामीण क्षेत्रमा हुने आपराधिक क्रियाकलापमा कमी आउने विश्वास गरिएको भोजपुर नगरपालिकाका नगर प्रमुख आलेले बताउनुभयो । चौकी संचालनका लागि आवश्यक सहयोग वडाले पनि गर्ने वडाध्यक्ष प्रसाद तामाङले बताउनु भयो ।

सरोकार

यो खबर पढेर तपाईलाई कस्तो महसुस भयो ?