काठमाडौं । प्रजातन्त्र सेनानी तथा नेपाली कांग्रेसका ज्येष्ठ नेता देवीध्वज बस्नेतको निधन भएको छ । सोलुखुम्बुको चौलाखर्क लिखुखोलामा जन्मिनु भएको पछिल्ला वर्षहरूमा उहाँ काठमाडौं गौरीघाटस्थित आफ्नैैं निवासमा बस्दै आउनु भएको थियो । गत बुधबार राति ९८ वर्षको उमेरमा उहाँको निधन भएको हो ।
राणा शासन हटाउने २००७ सालको क्रान्तिमा सक्रिय सहभागिता जनाउनुभएका बस्नेत राणा शासनविरुद्धको आन्दोलनमा मुक्ति सेनामा सोलुखुम्बु जिल्लाको लिखुखोला क्षेत्रबाट कमाण्डर भएर पूर्व कब्जा गर्दै चरीकोटसम्मको प्रजातन्त्र प्राप्तिको लडाइँमा प्रत्यक्ष नेतृत्व गर्नु भएको थियो । २०१५ सालको आमनिर्वाचनमा पूर्व ३ नं. क्षेत्रबाट नेपाली कांग्रेसलाई निर्वाचित गराउन बस्नेत परिवारको ठूलो योगदान रहेको नेपाली कांग्रेसका नेताहरू बताउँछन् ।
कांग्रेसले २०१५ सालमा दुई तिहाइ बहुमतको सरकार गठन गरेपछि पार्टी निकट बुद्धिजीवी परिषद्को राष्ट्रिय सम्मेलन भएको थियो । सो सम्मेलनमा देवीध्वज बस्नेत पूर्व ३ नं. बाट प्रतिनिधि चुनिएर केन्द्रीय बुद्धिजीवी सभाको सदस्य निर्वाचित हुनुभएको थियो ।
बस्नेत पञ्चायतकालमा सोलुखुम्बुको साविक चौलाखर्कमा जनपक्षीय प्रधानपञ्च निर्वाचित हुनुभएको थियो भने २०४९ को स्थानीय निर्वाचनमा चौलाखर्क गाविसको अध्यक्ष बन्नु भएको थियो । बस्नेत नेपाली कांग्रेसको इतिहासका लेखक एवं संविधान सभा सदस्य स्वर्गीय पुरुषोत्तम बस्नेतको दाजु तथा पूर्वमन्त्री अम्बिका बस्नेतको काका हुनुहुन्छ । देवीध्वज वस्नेतकी छोरी नेपाली कांग्रेसकी नेता अनार बस्नेत अहिले पार्टीमा सक्रिय रहेर काम गरिरहनु भएको छ ।
बीपी कोइरालासँग पारिवारिक सम्बन्धका कारण देवीध्वज बस्नेतका बुबा मकरध्वज बस्नेत २००७ सालको क्रान्ति अघिदेखि नै नेपाली कांग्रेसमा आबद्ध हुनुहुन्थ्यो । बुबाकै प्रेरणाले देवीध्वज २००७ सालको क्रान्तिमा होमिनु भएको थियो । नेपालको प्रजातान्त्रिक आन्दोलनले एउटा अविचलित योद्धा गुमाएको छ ।
स्व.बस्नेतका एक छोरा केशवध्वज बस्नेत तथा दुई छोरी अनारदेवी बस्नेत र अंगुर बस्नेत हुनुहुन्छ । अनारदेवी नेपाली कांग्रेस पार्टीको नीति अनुसन्धान तथा प्रशिक्षण प्रतिष्ठानको केन्द्रीय सदस्य तथा प्रजातन्त्र सेनानी संघको पनि केन्द्रीय सदस्य हुनुहुन्छ । उहाँ नेपाली कांग्रेसको राजनीतिमा सक्रिय हुनुहुन्छ । स्वर्गीय देवीध्वज बस्नेतकी श्रीमतीको भने पूर्व नै निधन भइसकेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच