
काठमाडौं । नेपालले प्रथम दक्षिण एसियाली स्ट्रिट डिफेन्स प्रतियोगिताको स्वर्णमा ‘क्लिन स्विप’ गरेको छ । प्रतियोगितामा समावेश सातै स्पर्धामा नेपालले स्वर्ण जितेको हो । सात स्वर्णका अलावा नेपालले पाँच रजत र चार कांस्य पनि हात पार्यो ।
नेपाल जितकुण्डो मार्सल आट्र्स संघद्वारा आयोजित प्रतियोगितामा भारत र श्रीलंकाले समान एक-एक रजत र कांस्य जितेका थिए । लैनचौरस्थित राष्ट्रिय टेबलटेनिस प्रशिक्षण केन्द्रमा भएको पुरुष ५५ केजी तौल समूहमा विजय थापाले स्वर्ण जित्नुभयो । उहाँले फाइनलमा नेपालकै नितेश कठायतलाई पराजित गर्दै स्वर्ण चुम्नुभएको हो ।
पुरुष ६० केजीमुनि नरेन्द्र दनुवार पहिलो हुनुभयो । उहाँले फाइनलमा नेपालका अल्ताप दनुवारलाई हराउनुभएको थियो । नेपालका अमित थापा तेस्रो हुनुभयो । पुरुष ६५ केजीमा सञ्जीव माझीले फाइनलमा नेपालका भीष्म तामाङलाई पाखा लगाउँदै स्वर्ण चुम्नुभएको थियो । नेपालका सुसाङ चौधरी तेस्रो बन्नुभयो ।
पुरुष ७० केजीमुनि सुमन तामाङले स्वर्ण चुम्नुभयो । उहाँले फाइनलमा श्रीलंकाका रकिन्डु प्रेमन चन्द्रालाई पराजित गर्नुभएको थियो । भारतका मोनिश तेस्रो हुनुभयो । पुरुष ७० केजीमाथि पिताम्बर मगरले जित्नुभयो । उहाँले फाइनलमा भारत प्रियाडमाथि जित दर्ता गर्नुभएको थियो । श्रीलंकाका कसुन हर्षल तेस्रो हुनुभयो ।
यस्तै, महिला ५५ केजीमुनि निलम कोइरालाले फाइनलमा नेपालकी सारिका नेपालीको चुनौती पन्छाउँदै स्वर्ण जित्नुभयो । नेपालकी जमुना दनुवार तेस्रो बन्नुभयो । महिला ७० केजीमाथि उर्मिला दनुवारले स्वर्ण चुम्नुभयो । उर्मिलाले फाइनलमा नेपालकी जमुना विकलाई पराजित गर्नुभयो । नेपालकी ममता शर्मा तेस्रो हुनुभयो ।
शीर्ष तीन स्थानमा रहनेले क्रमशः २३ हजार ५००, पाँच हजार ५०० र तीन हजार ५०० नगद रुपैयाँ पुरस्कार प्राप्त गरेका थिए ।
विजेतालाई टोखा नगरपालिकाका मेयर प्रकाश अधिकारी, टोखा नगरपालिका वडा ४ का अध्यक्ष धर्मेन्द्र श्रेष्ठ, नेपाल जितकुण्डो मार्सल आट्र्स संघका अध्यक्ष रामबहादुर ठकुरी र महासचिव शिवबहादुर थापा, टेडवाङ जितकुण्डोका अन्तर्राष्ट्रिय प्रशिक्षक स्पेनका ज्याक्विन मार्सेलोलगायतले एक कार्यक्रमबीच पुरस्कृत गर्नुभयो । प्रतियोगिताअघि संघकै आयोजनामा दुईदिने नवौँ टेडवाङ सेमिनार पनि भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच