
काठमाडौं । आइसिसी यू-१९ महिला टी-२० विश्वकपका लागि मलेसियामा रहेको नेपाली महिला टोली पहिलो अभ्यास खेलमा वेष्ट इण्डिजसँग पराजित भएको छ । मलेसियाको कोलेज टुएन्कु जाफर मैदानमा सोमबार भएको खेलमा नेपाल वेष्ट इण्डिजसँग नौ रनले पराजित भएको हो । जितका लागि ११० रनको लक्ष्य पछ्याएको नेपाल १९.१ ओभरमा सबै विकेटको क्षतिमा १०० रनमा समेटिएको थियो ।
सिमाना केसीले टोलीका लागि सर्वाधिक २३ रन बनाउनुभयो भने किरण कुँवर र कप्तान पूजा महतोले समान १८ रन बनाउनुभयो । ५४ रनमा ६ विकेट गुमाएको नेपालका लागि किरण र सिमानाले ३० रनको साझेदारी गर्नुभएको थियो ।
त्यसअघि टस जितेर ब्याटिङ गरेको वेष्ट इण्डिजले निर्धारित २० ओभरमा चार विकेट गुमाएर १०९ रन बनाएको थियो ।
वेष्ट इण्डिजकी कप्तान समरा रमनाथले सर्वाधिक २५ रन बनाउनुभएको थियो । ३३ बल खेल्नुभएकी उहाँले दुई चौका प्रहार गर्नुभयो । ओपनर असाबी क्यालेन्डरले २३ रन जोड्नुभयो । नेपालका लागि रचनाकुमारी चौधरी र सिमाना केसीले विकेट लिनुभएको थियो ।
नेपालले दोस्रो अभ्यास खेल जनवरी १५ मा अमेरिकासँग खेल्नेछ । मलेसियामा जनवरी १८ देखि फेब्रुअरी २ सम्म विश्वकपमा नेपाल समूह ‘डी’मा छ । बंगलादेशसँग जनवरी १८ मा खेल्दै नेपालले विश्वकपको यात्रा सुरु गर्नेछ । त्यसपछि नेपालले जनवरी २० मा स्कटल्याण्ड र जनवरी २३ मा अस्ट्रेलियासँग खेल्नेछ । महिलाको कुनै पनि स्तरमा नेपालले विश्वकप खेल्न लागेको यो पहिलोपटक हो ।
विश्वकपको समूह ‘ए’ मा आयोजक मलेसियासहित भारत, श्रीलंका र वेष्ट इण्डिज छन् । त्यस्तै, समूह ‘बी’ मा इंग्ल्याण्ड, आयरल्याण्ड, पाकिस्तान र अमेरिका छन् । समूह ‘सी’ मा न्युजिल्याण्ड, समोआ, दक्षिण अफ्रिका र नाइजेरिया छन् ।
नेपालले गत कात्तिकमा भएको एसियाली छनोट खेलमा युएईलाई आठ विकेटले हराउँदै पहिलोपटक विश्वकपमा स्थान बनाएको थियो । विश्वकपमा छनोट भएकै कारण नेपालले हालै मलेसियामा भएको एसिसी महिला यू–१९ एसिया कप खेल्ने मौका पनि पाएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच