
काठमाडौं । प्रधानमन्त्री कप महिला राष्ट्रिय ट्वान्टी-२० क्रिकेट प्रतियोगिता आज(मंगलबार)बाट सुरु हुँदैछ । प्रतियोगिता १२ गतेसम्म धनगढीस्थित फाप्ला क्रिकेट मैदानमा हुनेछ । प्रतियोगितामा सहभागी नौ टोलीलाई दुई समूहमा विभाजन गरिएको छ । समूह ‘ए’ मा लुम्बिनी, गण्डकी, कर्णाली, सुदूरपश्चिम प्रदेश र एपिएफ छन् । यसैगरी समूह ‘बी’ मा बागमती, मधेश, कोशी प्रदेश र विभागीय टोली त्रिभुवन आर्मी क्लब छन् ।
प्रतियोगिताका लागि सहभागी क्लबहरूले अहिले धमाधम छनोट सकेर टिम सार्वजनिक गरिरहेका छन् । यसैबीच, प्रतियोगिताका लागि विभागीय टोली त्रिभुवन आर्मी क्लबको टोली घोषणा भएको छ । सोमबार घोषणा भएको १४ सदस्यीय टोलीको नेतृत्व लक्ष्मी साउदले गर्नुहुनेछ ।
पहिलोपटक सहभागिता जनाउन लागेको आर्मीले माघ ७ गते बगमती प्रदेशसँग खेल्दै प्रतियोगिताको सुरुवात गर्नेछ । आर्मीको टोलीमा लक्ष्मी साउद (कप्तान), निग्मा तामाङ, मनिषाकुमारी चौधरी, अञ्जली विश्वकर्मा, सम्झना खड्का, आश्मा पुलामी मगर, रुवी पोदार (विकेटपिकर), सुस्मिता भुसाल, राधिका पुजारा, संगीता गुरुङ, सीता शाही, यमुना थारु, पिंकी बोहोरा र ईश्वरी विष्ट रहनुभएको छ ।
यस्तै, प्रतियोगिताको उपाधि दाबेदार एपिएफ क्लबले पनि इन्दु बर्माको कप्तानीमा आफ्नो टिम घोषणा गरेको छ । एपिएफको टिममा रोमा थापा, ममता चौधरी, राजमती ऐरी, कविता जोशी, सरिता मगर, बिन्दु बुढा मगर, रेखा रावल, सबनम राई रहनुभएको छ । त्यसैगरी बाँकी खेलाडीहरूमा करुणा भण्डारी, निशा भट्ट, सुमन विष्ट, नगिता पुन र सञ्जु लामा रहनुभएको छ । एपिएफले आज (मंगलबार) १ बजे हुने खेलमा कर्णाली प्रदेशको सामना गर्नेछ ।
प्रतियोगिताको उद्घाटन खेलमा सुदूरपश्चिमले गण्डकी प्रदेशको सामना गर्नेछ । सुदूरपश्चिमले पनि आफ्नो टिम सार्वजनिक गरिसकेको छ । उसको टिम बिन्दु रावलको कप्तानीमा रहनेछ । यो टिममा शोभा रोकाया, रितु कनौजिया, कविता कुँवर, करिष्मा थापा, जानकी थापा, रविना साउद, चेतना कुँवर, रेवती धामी, मञ्जु विष्ट, मनिषा बोहरा, रविना धामी, आशिका महरा र मनिष खत्री रहनुभएको छ ।
प्रतियोगिता १२ दिन चल्ने क्यानले जनाएको छ । यो प्रतियोगिताबाट नेपालको राष्ट्रिय क्रिकेट टिम छनोट हुनेछ । क्यानको पिएम कपपछि चार देशको महिला क्रिकेट शृंखला नेपालले नै आयोजना गर्दैछ । प्रधानमन्त्री कपका लागि बागमतीले पनि आफ्नो टोली सार्वजनिक गरेको छ । बागमतीको टिममा कञ्चन श्रेष्ठ, हेलिसा गुरुङ, सोनु खड्का, यसु पाण्डे, विपिषा शाही, मनिषा उपाध्याय, यशोदा विष्ट, हिमानी तामाङ र पूजा साउद रहनुभएको छ । त्यसैगरी यो टिमका बाँकी खेलाडीहरूमा एली यादव, संस्कृति फुँयाल, सोनिया गिरी, सविकाकुमारी यादव, प्रशंसा घिसिङ, सलिना सिलवाल, अनुशा रोका, गंगा बस्नेत र आदित्य पौडेल रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच