
ललितपुर । नेपाल हस्तकला महासंघमा नयाँ कार्यसमिति चयन भएको छ । महासंघको ४४औँ साधारणसभाबाट नयाँ कार्यसमिति चयन गरिएको हो । हस्तकला उद्योग, व्यवसाय र निकासी प्रवद्र्धनका साथै यस क्षेत्रमा संलग्न उद्यमी, व्यवसायी, कलाकार, कालिगढहरूको हित प्रवद्र्धन गर्ने उद्देश्यले स्थापना भएको महासंघको पुस २६ र २७ गते सम्पन्न साधारणसभाबाट अध्यक्षमा एक, वरिष्ठ उपाध्यक्ष एक, उपाध्यक्षमा ६ (जिल्ला र प्रदेश हस्तकला संघ एक, वस्तुगत संघ एक, उद्योग एक, वाणिज्य एक, व्यक्तिगत एक र एसोसिएटबाट एक) गरी पदाधिकारी जम्मा नौजना र कार्यसमिति सदस्य १५ (जिल्ला हस्तकला संघ दुई, वस्तुगत संघ दुई, उद्योग तीन, वाणिज्य तीन, व्यक्तिगत चार र एसोसिएट एक) गरी जम्मा २३ स्थानका लागि निर्वाचन भएको थियो ।
महासंघको विधानअनुसार निवर्तमान अध्यक्ष पदेन कार्यसमितिमा रहने र अध्यक्षबाट कार्यसमितिमा एक महिलासहित दुईजनाको मनोनयन गर्ने व्यवस्था भएअनुसार महासंघको २६ सदस्य कार्यसमिति हुनेछ ।
नयाँ कार्यसमितिमा अध्यक्ष रविन्द्र शाक्य, वरिष्ठ उपाध्यक्षमा राजमान बज्राचार्य, उपाध्यक्षहरूमा जिल्ला र प्रदेश हस्तकला संघ उपाध्यक्षमा मलिका श्रेष्ठ, वस्तुगत संघ उपाध्यक्षमा श्रीकृष्ण प्रजापती, उपाध्यक्ष (उद्योग) सविता महर्जन उपाध्यक्ष (वाणिज्य) प्रताप शाक्य, उपाध्यक्ष (व्यक्तिगत) नवीन शाक्य, उपाध्यक्ष (एसोसिएट) किरणकुमार स्थापित निर्वाचित हुनुभएको छ ।
यस्तै, कार्यसमिति सदस्यहरूमा जिल्ला र प्रदेश हस्तकला संघ कार्यसमिति सदस्यमा मातृकादेवी प्रसाईं र रमेशराज बज्राचार्य, वस्तुगत संघमा उपेन्द्र बाराही र धनप्रसाद लामिछाने, उद्योगमा अमूल्यदेवी शाक्य, राजीव शाक्य, विक्रमसिंह महर्जन, वाणिज्यतर्फ अवनिश प्रधानांग, प्रविनबहादुर शाक्य र मिलनवीर मालाकार, व्यक्तिगततर्फ उदिप शाक्य, विकास शाक्य, माणिकमान शाक्य र सुजनरत्न शाक्य अनि एसोसिएट कार्यसमिति सदस्यमा दीपेन्द्र शाक्य निर्वाचित हुनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच