
अर्घाखाँची । अर्घाखाँचीमा फरार रहेका १८ प्रतिवादीलाई विभिन्न स्थानबाट पक्राउ गरी कारागार पठाएको छ। जिल्ला प्रहरी कार्यालयको यो कदमले अपराध नियन्त्रण र न्यायको कार्यान्वयनमा ठूलो प्रभाव पार्ने विश्वास समेत गरिएको छ ।
जिल्ला अदालतले मानव बेचबिखन, ओसारपसार, बैंकिङ कसुर, सवारी ज्यान, कुटपिट, आगलागी, चोरी, जबरजस्ती करणी, लागुऔषध, गर्भ संरक्षण लगायतका आपराधिक मुद्दामा दोषी ठहर गरि फरार रहेका प्रतिवादीहरुलाई प्रहरीले पक्राउ गरेको हो ।
जिल्ला प्रहरी प्रमुख डीएसपी चक्रबहादुर मल्लका अनुसार, पक्राउ परेका प्रतिवादीहरूको बारेमा अदालतको आदेशअनुसार कारागार पठाइएको हो ।
डीएसपी मल्लले भन्नुभयाे, ‘फरार प्रतिवादीहरूको खोजी गरेर पक्राउ गर्ने अभियानमा गति आएको छ र यसले अपराध नियन्त्रण र न्याय प्रक्रियामा ठूलो योगदान पुर्याएको छ।’
अर्घाखाँची प्रहरी कार्यालयले यस अभियानलाई थप तीव्रता दिने सूचना अधिकारी विष्णुप्रसाद पौडेलले बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच