
काठमाडौं । छैटौं नेपाल कल्चरल इन्टरनेशनल फिल्म फेस्टिभल-२०२५ हुने भएको छ । यही माघ १७ गतेदेखि १९ गतेसम्म यो फेस्टिभल नेपाल चलचित्र तथा संस्कृति केन्द्रको आयोजनामा काठमाडौंमा हुन लागेको हो । महोत्सवमा यस पटक ६० देशका चार सयभन्दा बढी फिल्मको आवेदन परेकोमा नेपालसहित ४७ देशका ९८ वटा चलचित्रहरू प्रदर्शनका लागि चयन गरिएको आयोजकले जनाएको छ ।
महोत्सवमा लघु चलचित्रसँगै कथानक चिलचित्र, वृत्तचित्र, एनिमेटेड चलचित्रलगायत महिला, बालवालिका, मानव अधिकारका चलचित्रहरू पनि प्रतिस्पर्धामा समावेश गरिएका छन् । दुई मिनेटदेखि साँढे दुई घण्टासम्मको चलचित्र महोत्सवका लागि चयन भएको छ ।
महोत्सवमा अन्तर्राष्ट्रिय र राष्ट्रिय जुरी चयन गरिएको छ । जसमा भारतबाट फिल्म निर्देशक निपोन धौला, जर्मनी फिल्मर्मी फाविन मात्थियस र फिल्मकर्मी इभिन बिराजी, बेलायतबाट फिल्म लेखक तथा निर्देशक लुइसा प्रिटोलानी, क्यानडाबाट फिल्म निर्देशक जुडी ग्लाड्स्टोन, इरानबाट अभिनेत्री, लेखक तथा निर्देशक तिमा टाघिजादेह, बहराइनबाट फिल्म निर्माता निर्देशक एवं इभा दाउद र रशियाबाट फिल्मर्मी इरिना बेराजी रहनुभएको छ ।
नेपालबाट निर्णायकको रुपमा संगीतकार तथा चलचित्र विकास बोर्डका पूर्वअध्यक्ष शम्भुजित बाँस्कोटा, अभिनेत्री मिथिला शर्मा, फिल्म निर्देशक दीपेन्द्रके खनाल, अभिनेता प्रदीप खड्का र टेलिभिजनकर्मी टीकाराम यात्री अभिनेत्री सुरक्षा पन्त, चलचित्र निर्माता एवं निर्देशक रौनक विक्रम कँडेल र निर्देशक दिनेश लिङ्देन रहनुभएको छ ।
महोत्सवमा दक्षिण एशियाली मुलुकहरू भारत, बंगलादेश, पाकिस्तानसहित पूर्वी एसियाको चीन, जापान, थाइल्याण्ड, कोरिया, युएई, कतार, हङ्कङ, फिलिपिन्स, इण्डोनेसिया, भियतनाम, जस्ता देशक चलचित्रहरू चयन भएका छन् ।
यस्तै, संयुक्त राज्य अमेरिका, क्यानडा, अष्ट्रेलिया, अर्जेन्टिना, बेलायत फ्रान्स, इटाली, आयरल्याण्ड, जर्मनी, रसिया, ट्युनेशिया, पोर्चुगल, पोल्याण्ड, हंगेरी, ग्रिस, फिनल्या डेनमार्क, बुल्गेरिया, चेक रिपब्लिक, अष्ट्रियासहित विभिन्न युरोपियन मुलुकका फिल्म यो महोत्सवम चयन भएका छन् । यस्तै मोरक्को, इजिप्ट, जमैका, क्यामरुन, सर्भिया, दक्षिण अफ्रिकासहित विभिन् अफ्रिकन देशका फिल्म पनि यो महोत्सवमा फाइनलका लागि चयन गरिएको छ ।
महोत्सवमा फिल्म प्रदर्शनसँगै फिल्मको विषयमा अन्तक्र्रिया, मास्टर क्लास, कार्यशालाका साथै कला प्रदर्शनीसमेत रहेको छ । फिल्मको उद्घाटन समारोह काठमाडौंको दरबारमार्ग स्थित क्युएस सिनेमा राईजिङ मल चलचित्र घरमा आयोजना गरिनेछ ।
उद्घाटनपछि सोही फिल्म घरमा दुई दिनसम्म नियमित रूपमा फिल्म प्रदर्शनीका साथै फिल्मका विविध विषयमा छलफल एवं अन्तक्र्रिया गरिनेछ । त्यसपछि फिल्म विकास बोर्डमा तीन दिनसम्म फिल्म प्रदर्शनी, मास्टर क्लास र कला प्रदर्शनी आयोजनासहित बोर्डमै महोत्सवको समापन समारोह गरिनेछ ।
महोत्सवमा चयन भएका फिल्महरूले उत्कृष्ट चलचित्र, निर्देशक, अभिनेता, अभिनेत्री, छायांकारलगायत उत्कृष्ट लघुचलचित्र, वृत्तचित्र, एनिमेटेड चलचित्र, महिला चलचित्र, बालबालिका चलचित्र, मानव अधिकारका चलचित्र जस्ता विभिन्न विधामा प्रतिस्पर्धा गर्नेछन् ।
यी विभिन्न विधामा सर्वोत्कष्ट भएका चलचित्र तथा कलाकार प्राविधिकलाई महोत्सवको समापन समारोहमा अवार्ड प्रदान गरिनेछ ।
विभिन्न फरकफरक विधाका उत्कृष्ट १५ वटा राष्ट्रिय तथा १५ वटा अन्तर्राष्ट्रिय गरी ३० फिल्मलाई पुरस्कृत गरिनेछ । साथै फिल्म क्षेत्रमा योगदान दिएका व्यत्तित्वलाई सम्मान गरिने आयोजक संस्था नेपाल चलचित्र तथा संस्कृति केन्द्रले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच