
काठमाडौं । नेपालका राष्ट्रिय फेन्सिङ खेलाडी भीष्मराज दाहाल (टार्जन) र सागर थापाले कतारको दोहामा यही माघ १० देखि १२ गतेसम्म आयोजना हुने ग्राण्ड प्रिक्स डु कतार फेन्सिङ प्रतियोगितामा सहभागिता जनाउनुहुने भएको छ । ग्राण्ड प्रिक्सको सहभागिताले नेपाली खेलाडीको वरीयता प्राप्त गर्न सहयोग गर्नेछ । प्रतियोगिताका लागि राम्रो तयारी गरेकाले उत्कृष्ट प्रदर्शन गर्ने टार्जनले बताउनुभयो । १५ वर्ष तेक्वान्दो खेल खेल्नुभएका टार्जनले तीन वर्षदेखि फेन्सिङ खेल्न सुरु गर्नुभएको हो ।
राष्ट्रिय प्रतियोगिताहरूमा बागमती प्रदेशबाट प्रतिनिधित्व गर्दै आउनुभएका टार्जनले तीनवटा राष्ट्रिय प्रतियोगितामा कांस्य पदक जित्नुभएको छ । उहाँले गण्डकीमा भएको नवौँ राष्ट्रिय प्रतियोगितामा पनि कांस्य जित्नुभएको थियो ।
यस्तै, सागर थापा खेलाडीसँगै नेपालका राष्ट्रिय प्रशिक्षकसमेत हुनुहुन्छ । हाल खेलाडी र विभागीय टोली नेपाल एपिएफ क्लबका सहायक प्रशिक्षकसमेत रहनुभएका सागरले पनि कतारमा उत्कृष्ट प्रदर्शन गरेर फर्कने बनाउनुभयो । कतारको प्रतियोगिताले एफआइई वल्र्ड र्याङ्किङ निर्धारण गर्ने हुँदा राम्रो तयारी गरेको उहाँको भनाइ छ ।
खेलाडीद्वयलाई नेपाल फेन्सिङ संघका अध्यक्ष सुनिलकुमार श्रेष्ठ, महासचिव सुजनलाल श्रेष्ठ र कोषाध्यक्ष अनुप कपालीले बिदाइ गर्नुभयो हो । यस्तै, संघले खेलाडीलाई आवश्यक खेल सामग्री पनि प्रदान गरेको छ । टार्जन र सागर बुधबार राती कतार प्रस्थान गर्नुभएको छ । बुधबार नै खेलाडीद्वयलाई लायन्स क्लब अफ काठमाडौंले पनि एक कार्यक्रमबीच बिदाइ गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच