काठमाडौं । आइसिसी महिला यू-१९ विश्वकप क्रिकेट प्रतियोगिताबाट नेपाल बाहिरिएको छ । बुधबार भएको समूह चरणको अन्तिम खेलमा उपाधि दाबेदार अस्ट्रेलियासँग ८३ रनको फराकिलो हार बेहोर्दै नेपालले विश्वकप यात्रा टुंग्याएको हो । समूह चरणमा नेपालले एउटा खेल पनि जित्न सकेन ।
मलेसियाको बांगीस्थित युकेएल क्रिकेट ओभलमा बुधबार भएको खेलमा अस्ट्रेलियाले दिएको १४० रनको लक्ष्य पछ्याएको नेपालले आठ विकेटको क्षतिमा ५६ रनमात्र बनाउन सक्यो । नेपालका लागि कप्तान पूजा महतोले १८ रन बनाउनुभयो । उहाँले ४२ बलको सामना गर्दै उक्त रन जोड्नुभएको हो । अन्य खेलाडीले भने दोहोरो अंकको रन बनाउन सकेनन् । अस्ट्रेलियाका लागि हसरत गिल र जुलियट मोर्टनले दुई–दुई विकेट लिनुभयो ।
यसअघि अस्ट्रेलियाले ६ विकेटको क्षतिमा १३९ रन बनाएको थियो । अस्ट्रेलियाका लागि काइमोही ब्रेले ४५ रन बनाउनुभएको थियो भने एलेनोर लारोसाले ३० रन जोड्नुभएको थियो ।
खेलको सुरुवाती ओभरमा नेपालकी कप्तान महतोले तीन विकेट लिएर अस्ट्रेलियालाई दबाबमा राख्नुभएको थियो । पूजाले चार ओभरमा तीन विकेट लिनुभएको थियो । सीमाना केसीले लगातार दुई विकेट लिनुभयो । उहाँले १७.१ र १७.२ ओभरमा विकेट लिनुभएको थियो । रिया शर्माले एक विकेट लिनुभयो ।
विश्वकपमा नेपालको यो लगातार तेस्रो हार हो । नेपाल पहिलो खेलमा बंगलादेशसँग पाँच र दोस्रो खेलमा स्कटल्याण्डसँग एक विकेटले पराजित भएको थियो । यो जितसँगै अस्ट्रेलियाले समूह चरणको खेलमा अपराजित रहँदै सुपर सिक्समा छनोट भएको छ । अस्ट्रेलियाले यसअघि स्कटल्याण्डलाई नौ र बंगलादेशलाई दुई विकेटले पराजित गरेको थियो । नेपाल रहेको समूहबाट अस्ट्रेलिया विजेता बन्दा बंगलादेश र स्कटल्याण्डले सुपर सिक्समा स्थान बनाएका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच