
काठमाडौं । बिहीबारदेखि सुरु भएको ‘सभापति कप’ फुटबल प्रतियोगिताको पहिलो खेलमा संकटा क्लबले चर्च ब्वाइज युनाइटेड क्लबलाई पराजित गरेको छ । ‘ए’ डिभिजन लिग च्याम्पियन चर्च ब्वाइज युनाइटेडलाई पराजित गर्दै संकटा फुटबल क्लब सभापति कपको सेमिफाइनलमा प्रवेश गरेको छ । नेपाली कांग्रेसको भ्रातृ संस्था नेपाल लोकतान्त्रिक खेलकुद संघ महाधिवेशन निर्देशन समितिको आयोजनामा त्रिपुरेश्वरस्थित दशरथ रंगशालामा भएको खेलमा संकटाले चर्च ब्वाइजलाई तीन–शून्यले पराजित गरेको हो । योसँगै चर्च ब्वाइज पहिलो खेलबाट बाहिरिएको छ ।
संकटालाई जिताउन अबेक रिर्चडले २३औँ र ७०औँ मिनेटमा दुई गोल गर्नुभयो । अर्को गोल ७३औँ मिनेटमा चन्दन दासले थप्नुभएको थियो । संकटाले फाइनल प्रवेश गर्न मच्छिन्द्र फुटबल क्लब र विभागीय टोली एपिएफ क्लबबीचको विजेतासँग खेल्नेछ । यो खेल आज (शुक्रबार) दशरथ रंगशालामा ३ बजे हुनेछ ।
नकआउट यो प्रतियोगितामा आठ टिमको सहभागिता छ । माघ १७ गतेसम्म चल्ने प्रतियोगिताको विजेता टिमलाई २६ लाख र उपविजेतालाई १३ लाख रुपैयाँ पुरस्कार प्रदान गरिनेछ । यो नेपाली नकआउट फुटबलको सर्वाधिक पुरस्कार राशि हो । हरेक खेलमा म्याच फीका रूपमा प्रत्येक टिमलाई ५० हजार प्रदान गरिनेछ ।
यस्तै, प्रत्येक खेलको प्लेयर अफ दि म्याचलाई १५ हजार, सर्वोत्कृष्ट खेलाडीलाई ७५ हजार, उत्कृष्ट गोलरक्षकलाई ५० हजार, सर्वाधिक गोलकर्तालाई ५० हजार र उदीयमान खेलाडीलाई २५ हजार रुपैयाँ प्रदान गरिने आयोजकले जनाएको छ । प्रतियोगिताको बिहीबार युवा तथा खेलकुदमन्त्री तेजुलाल चौधरीले उद्घाटन गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच