
काठमाडौं । हाम्रै सामान, हाम्रै स्वाभिमान भन्ने नाराका साथ बिहीबारदेखि काठमाडौंको भृकुटीमण्डपमा ‘मेक इन नेपाल एक्स्पो-२०२५’ तथा ‘नेपाल पस्मिना इन्टरनेसनल एक्स्पो-२०८१’ सुरु भएको छ । नेपाल पस्मिना उद्योग संघको आयोजना तथा नेपाल उद्योग परिसंघको सहकार्यमा एवं राइजिङ नेपाल प्रालिको व्यवस्थापनमा आयोजित एक्स्पो उद्घाटन गर्दै उद्योग, वाणिज्य तथा आपूर्तिमन्त्री दामोदर भण्डारीले एक्स्पोले नेपाली उत्पादनका नयाँ सम्भावना पहिचान गर्न र विदेशी लगानीलाई आकर्षित गर्न सहयोग पुर्याउने बताउनुभयो ।
स्वदेशी लगानी प्रोत्साहित गर्न र बाहृय लगानीलाई आकर्षित गर्न सरकार प्रतिबद्ध रहेकाले सोहीअनुसारको कानुन बनाउन अध्यादेश जारी गरिएको उहाँको भनाइ थियो । नियन्त्रणमुखी कानुन परिमार्जन गर्दै स्वदेशी लगानी प्रवद्र्धनमार्फत् मुलुकको आर्थिक विकास गर्ने लक्ष्य रहेको पनि उहाँले बताउनुभयो ।
मन्त्री भण्डारीले भन्नुभयो, ‘नेपालको व्यापार र निर्यात कसरी वृद्धि गर्न सकिन्छ भन्नेमा सरकार गम्भीर छ, आर्थिक वृद्धि हासिल गर्न नेपाली वस्तुको बजार विस्तारको रणनीति अपनाउनु जरुरी छ, नेपाली वस्तुको प्रयोग गर्ने कुरालाई राष्ट्रिय अभियानका रूपमा अगाडि बढाउनु पनि जरुरी छ ।’
नेपाल उद्योग वाणिज्य महासंघका अध्यक्ष चन्द्रप्रसाद ढकालले नेपालले धेरै राम्रा वस्तुको उत्पादन गर्न सकेको उल्लेख गर्दै उत्पादनलाई राष्ट्रिय तथा अन्तर्राष्ट्रिय बजारीकरण गर्न आवश्यक रहेको बताउनुभयो । नेपालको पस्मिना धेरै मुलुकमा निर्यात हुने भएकाले पस्मिना उद्योगका समस्या समाधान गर्नुपर्नेमा उहाँको जोड थियो । सो अवसरमा नेपाल हस्तकला महासंघका अध्यक्ष रविन्द्र शाक्य, नेपाल उद्योग परिसंघका अध्यक्ष राजेशकुमार अग्रवाल, व्यापार तथा निकासी प्रवद्र्धन केन्द्रका कार्यकारी निर्देशक शरदबिक्रम राणालगायतले पनि पस्मिनालगायत स्वदेशी उत्पादनको प्रवद्र्धनमा जोड दिनुभएको थियो । नेपाल पस्मिना उद्योग संघका अध्यक्ष धनप्रसाद लामिछानेले मेक इन नेपाल एक्स्पोले नेपाली उत्पादन प्रवद्र्धन गर्दै उद्योग, व्यवसाय र स्थानीय उद्यमशीलतालाई अन्तर्राष्ट्रिय बजारमा स्थापित गर्न महत्वपूर्ण भूमिका खेल्ने बताउनुभयो । नेपाल पस्मिना अन्तर्राष्ट्रिय एक्स्पो-२०८१ ले नेपालमा उत्पादित उत्कृष्ट पस्मिना सामग्री प्रस्तुत गर्दै पस्मिना क्षेत्रको मौलिकता, गुणस्तर र अन्तर्राष्ट्रिय पहिचान अझ सुदृढ बनाउने लक्ष्य लिएको छ । एक्स्पोमा शुद्ध नेपाली पस्मिना हस्तकला, कृषि र घरेलु उत्पादन गरी एक सय ५० भन्दा बढी स्वदेशी वस्तु तथा सेवाका स्टल रहेकामा ४० भन्दा बढी नेपालमा उत्पादित उत्कृष्ट पस्मिनाका स्टल रहेका आयोजकले जनाएको छ । एक्स्पो शनिबारसम्म चल्नेछ ।
गत आर्थिक वर्षमा नेपालबाट छ अर्ब ३८ करोड २५ लाख मूल्य बराबरको दुई लाख चार हजार वर्गमिटर पस्मिना निर्यात भएको थियो । नेपालबाट पछिल्लो छ महिनामा तीन अर्ब ३१ करोडको एक लाख ९२ हजार वर्गमिटर पस्मिना अमेरिका निर्यात भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच