
काठमाडौं । हिमोफिलिया रोगका बिरामीलाई निःशुल्क औषधी दिने स्वास्थ्य तथा जनसंख्या मन्त्री प्रदीप पौडेलले निर्णय गर्नुभएको छ । रगत नजम्ने वंशाणुगत समस्या हिमोफिलिया रोगका बिरामीले अबदेखि निःशुल्क औषधि पाउने भएका हुन् ।
शुक्रबार बिहान सामाजिक सञ्जालमार्फत मन्त्री पौडेलले राज्यकोषमा थप भार नपर्ने गरि अन्तर्राष्ट्रिय सहयोग प्राप्त गरेर निस्शुल्क उपलब्ध गराउने निर्णय भएको जानकारी दिनुभयो ।
उहाँले लेख्नुभएको छ, ‘रगत नजम्ने दुर्लभ किसिमको वंशाणुगत रोग हिमोफिलिया उपचारका लागि आवश्यक औषधि राज्यकोषमा थप भार नपर्ने गरि अन्तर्राष्ट्रिय सहयोग प्राप्त गरेर निस्शुल्क उपलब्ध गराउने निर्णय गरेका छौं ।देशमा दुर्लभ र महँगो औषधीको व्यवस्था गरिदिन मन्त्रालयलाई प्राप्त सुझाव र प्रतिक्रियाका आधारमा गरिएको यो व्यवस्थापछि अब उपचार सहज र शुलभ हुने अपेक्षा गरेका छौं ।’
जटिल किसिमको वंशाणुगत तथा पछिसमेत देखिने यस रोगको उपचारका लागि आवश्यक औषधी अब स्वास्थ्य तथा जनसंख्या मन्त्रालयले मातहतका संघीय अस्पताल तथा प्रादेशिक अस्पतालका अलावा अन्य सरकारी अस्पतालबाटसमेत उपलब्ध गराउनेछ।
नेपालमा हाल करिब नौ सय जना यो रोगका बिरामीका रुपमा पहिचान भएका छन् । तर विश्व स्वास्थ्य सङ्गठनले नेपालमा पहिचान हुन नसकेका यस्ता करिब ५ हजार बिरामी रहेको अनुमान गरेको छ । २०७८ को जनगणनामा २.२ प्रतिशतमा अपाङ्गता देखिएका मध्ये ०.८ मा हिमोफिलिया भएको हुनसक्ने ठानिएको छ । मन्त्रालयले संघीय, सरकारी तथा प्रादेशिक तहमा मागका आधारमा औषधी उपलब्ध गराउने तयारी गरेको मन्त्री पौडेलको सचिवालयले जनाएको छ ।

बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच