
काठमाडौँ । व्यावसायिक घराना गोल्छा समूहका अध्यक्ष शेखर गोल्छा तथा प्रिज्मा एड्भटाइजिङका प्रमुख रञ्जित आचार्यको संयुक्त स्वामित्वमा रहेको कम्पनी बाइस्कोप सिनेमा प्रालिको ब्यानरमा सिनेमा निर्माण हुने भएको छ । कम्पनीले ‘परान’ सिनेमा निर्माणको औपचारिक घोषणा गरेको हो ।
चर्चित हास्य टेलिशृंखला ‘सक्किगोनी’का चर्चित पात्र ‘काकु’ को भूमिका निर्वाह गर्नुभएका दीपक आचार्यले सिनेमालाई निर्देशन गर्नुहुनेछ ।
‘परान’ मा नीर शाह केन्द्रीय भूमिकामा देखिनुहुनेछ भने मदनकृष्ण श्रेष्ठ, केकी अधिकारी, प्रविण खतिवडा, बुद्धि तामाङ, महेश त्रिपाठी, अञ्जना बराइली, पूजा चन्द, सुभाष गजुरेल, यमन श्रेष्ठलगायतका कलाकारको अभिनय रहने बताइएको छ । सिनेमामा बालकलाकारका रूपमा निर्देशक आचार्यका कान्छा छोरा आर्यदीप आचार्यसमेतको अभिनय रहनेछ ।
फागुनको पहिलो साताबाट सिनेमा फ्लोरमा जानेछ । सिनेमाको छायांकन काठमाडौं र धनकुटामा हुने बताइएको छ । शेखर गोल्छाले आफू उद्योग वाणिज्य महासंघको अध्यक्षका हैसियतमा जिल्ला-जिल्लामा हुने महोत्सवहरूमा प्रस्तुत गरिने सांस्कृतिक कार्यक्रममा नेपालीपन नदेख्दा दिक्क लागेको भन्दैै त्यस्ता कार्यक्रममा जानु नपरे हुन्थ्यो जस्तो लाग्ने गरेको र सोही प्रकारको सन्देश आयोजकलाई दिने गरेको प्रसंग सुनाउँदै सिनेमा निर्माण गर्नु पछाडि नेपालीपन र संस्कृतिको समृद्धि रहेको बताउनुभयो । रञ्जित आचार्यले सन् २०१७ मै सिनेमामा आउने योजनासहित कम्पनी खडा गरे पनि तयारीका क्रममा कोरोनाका कारण काम सुरु गर्न नसकिएको भन्दै अबदेखि नेपालीपन बोकेको र नेपाली दर्शकका लागि सिनेमा बनाउने बताउनुभयो ।
कार्यक्रममा नायक राजेश हमाल, वरिष्ठ हास्य अभिनेता हरिवंश आचार्य, कलाकार दीपाश्री निरौला, निशा अधिकारी, दिनेश डिसी, अशोक शर्मा, कृष्ण मल्लका साथमा उद्योगपति पशुपति मुरारका, सौरभ ज्योति, विदुषी राणा, भाष्करराज राजकर्णिकार, सांसद असीम शाह, क्युएफएक्सका निर्देशकद्वय नकीम उद्दीन र भाष्कर ढुंगानालगायतको उपस्थिति रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच