
काठमाडौं । चालु आर्थिक वर्ष २०८१/०८२ को पुससम्ममा निर्जीवन बिमा कम्पनीले झण्डै २१ अर्ब रुपैयाँ बिमा शुल्क संकलन गरेका छन् । नेपाल बिमा प्राधिकरणका अनुसार सञ्चालनमा रहेका १४ निर्जीवन बिमा कम्पनीले चालु आर्थिक वर्षको छ महिनामा कुल १३ लाख ८९ हजार तीन सय १९ वटा बिमालेख जारी गरी कुल २० अर्ब ८८ करोड ३५ लाख रुपैयाँ बिमाशुल्क संकलन गरेका हुन् । सो अवधिमा सबैभन्दा धेरै शिखर इन्स्योरेन्स कम्पनीले दुर्ई अर्ब ५९ करोड रुपैयाँ बिमाशुल्क संकलन गरेको छ भने सगरमाथा लुम्बिनी इन्स्योरेन्स कम्पनीले दुई अर्ब ५५ करोड र सिद्धार्थ प्रिमियर इन्स्योरेन्सले दुई अर्ब १३ करोड कुल बिमाशुल्क संकलन गरेको छ ।
त्यस्तै, आइजिआई प्रुडेन्सियल इन्स्योरेन्सले एक अर्ब ७३ करोड, हिमालयन एभरेष्ट इन्स्योरेन्सले एक अर्ब ७१ करोड, नेको इन्स्योरेन्सले एक अर्ब ६६ करोड, एनएलजी इन्स्योरेन्सले एक अर्ब ४० करोड, ओरियन्टल इन्स्योरेन्सले एक अर्ब ३४ करोड, युनाइटेड अजोड इन्स्योरेन्सले एक अर्ब २० करोड रुपैयाँ कुल बिमाशुल्क संकलन गरेका छन् ।
सानिमा जिआइसी इन्स्योरेन्सले एक अर्ब १९ करोड, नेपाल इन्स्योरेन्सले एक अर्ब नौ करोड, प्रभु इन्स्योरेन्सले ९० करोड ३९ लाख, राष्ट्रिय बिमा कम्पनीले ७१ करोड २१ लाख र नेसनल इन्स्योरेन्सले ६२ करोड १९ लाख रुपैयाँ कुल बिमाशुल्क संकलन गरेको नेपाल बिमा प्राधिकरणको तथ्यांकमा उल्लेख छ ।
पोलिसी त्याग्ने बढ्दै
पछिल्लो समय बिमा पोलिसी त्याग्ने बिमितको संख्या पनि बढ्न बढ्दै गएको छ । चालु आर्थिक वर्ष २०८१/०८२ को पहिलो छ महिनामा ५४ हजार चार सय १४ बिमितले बिमा पोलिसी त्यागेका छन् । उल्लेखित बिमितहरूले सात अर्ब ४६ करोड ६६ लाख ७२ हजार रुपैयाँ रकम फिर्ता लिएका हुन् । नेपाल बिमा प्राधिकरणको तथ्यांकअनुसार पुसमा मात्रै एक अर्ब ३५ करोड ९४ लाख बराबरको नौ हजार दुई सय ५४ पोलिसी फिर्ता लिएका छन् ।
यसअघि साउनमा एक अर्ब ५४ करोड ११ लाख बराबरको १० हजार दुई सय ९२ पोलिसी फिर्ता लिएका थिए भने भदौमा एक अर्ब २१ करोड २२ लाख बराबरको नौ हजार चार सय ४९ पोलिसी फिर्ता लिएका थिए । असोजमा एक अर्ब सात करोड १३ लाख बराबरको आठ हजार तीन सय १६ पोलिसी फिर्ता भएका थिए भने कात्तिकमा एक अर्ब ५० लाख बराबरको सात हजार नौ सय २८ र मंसिरमा एक अर्ब २७ करोड ७५ लाख बराबरको नौ हजार ७५ पोलिसी फिर्ता भएका थिए ।
समीक्षा अवधिमा एलआइसी नेपालमा सबैभन्दा धेरै रकममा फिर्ता भएका छन् । उक्त कम्पनीमा दुई अर्ब ३८ करोड ५९ लाख बराबरका १३ हजार नौ सय ६८ पोलिसी फिर्ता भएका हुन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच