झापा । नेपाली कांग्रेसका नेता कृष्णप्रसाद सिटौलाले राजा फालेर मुलुकमा लोकतन्त्र र गणतन्त्र ल्याउने सामर्थ्य राखेका राजनीतिक दलले आफैँले गरेको संघर्ष, आदर्श र सिद्धान्त भुल्दै गएको बताउनुभएको छ ।
गृहजिल्ला झापाको बिर्तामोडमा आयोजित कांग्रेसको सय दिने अभियान अन्तरगतको नगर भेलालाई आइतबार सम्बोधन गर्दै उहाँले राजा हुँदा र नयाँ व्यवस्थाका बीचमा आफू कहाँ छु भनेर सोच्न दलहरूले ढिला गर्न नहुने तर्क गर्नुभयो ।
‘अहिले राजनीति ट्रयाक बाहिर गएको छ, दलहरूले आफैँले गरेको क्रान्ति, संघर्ष र बलिदान बिर्सन मिल्दैन’ नेता सिटौलाले भन्नुभयो, ‘राम्रोलाई राम्रो र खराबलाई खराब भन्न सके मात्रै राजनीति ट्रयाकमा आउँछ ।’
क्रियाशील सबै दलमा विकृति आएको उल्लेख गर्नुभएको नेता सिटौलाले बिचारले संगठन निर्माण हुन्छ , संगठन जोगाउन चुनौती छ, त्यही चुनौती जोगाउन नसक्नु अहिलेको विकृतिको जड भएको बताउनुभयो । कांग्रेस र एमालेको सरकार बनेपछि धेरैलाई असैय भएको बताउनु भएको उहाँले माओवादी, रास्वपासहितको सरकार असफल भएपछि कांग्रेस ( एमालेको सरकार बनेको स्पष्ट पार्नुभयो ।
‘मुलुकमा केही नभएको होइन, धेरै र पर्याप्त काम भएको छ’ उहाँले भन्नुभयो, ‘केही काम नै भएको छैन भन्ने चाहिँ होइन, तर जनताको हितमा धेरै र ठूलो काम गर्न बाँकी छ ।’
राम्रो जे काम गरे पनि कांग्रेसले नै गर्ने उहाँको भनाइ छ । कांग्रेस, कांग्रेसका लागि नभई जनताको इच्छा र चाहनाका लागि भएको बताउँदै उहाँले कांग्रेस एकतबद्ध हुनु पर्नेमा जोड दिनुभयो ।
‘कांग्रेस जनमतका आधारमा प्रतिनिधिसभा, प्रदेशसभा, स्थानीय तहमा सबैभन्दा ठूलो पार्टी हो’ उहाँले भन्नुभयो, ‘हामीले आफू अनुशासित भएर अरुलाई राजनीतिक संस्कार सिकाउनुपर्छ ।’
नेता सिटौलाले अनुशासित र जनताप्रति समर्पित भएर जनमुखी कार्य गर्न कार्यकर्तालाई आग्रहसमेत गर्नुभयो।
आइतबार नै नेता सिटौलाले कांग्रेस झापाका तत्कालीन सचिव लक्ष्मण खड्का पत्नी अञ्जु, छोराछोरीद्वय आशुतोष र आयुषाले कांग्रेस बिर्तामोड नगर समितिलाई निशुल्क उपलब्ध गराएको एक करोड एक कठ्ठा जग्गामा लक्ष्मण स्मृति भवनको शिलान्यास गर्नुभयो ।
उहाँले टोरुप प्रसाईंको परिवारले महानन्दचोकमा उपलब्ध गराएको तीन कठ्ठा जग्गामा कांग्रेस झापाको जिल्ला पार्टी कार्यालय निर्माण भएको बताउँदै जग्गादाता प्रसाईं र खड्का परिवारको खुलेर प्रशंसा गर्नुभयो ।
यो पनि पढ्नुहोस्
सान्नीत्रिवेणी साक्षर पालिका घोषणायो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर