काठमाडौं । गायिका पाल्मु शेर्पा शेर्पा कलाकार संघको अध्यक्षमा निर्वाचित हुनुभएको छ । काठमाडौं शनिबार सम्पन्न संघको तेस्रो अधिवेशनबाट उहाँ अध्यक्ष पदमा चयन हुनुभएको हो । नेपाल शेर्पा संघको भवन काठमाडौंमा सम्पन्न अधिवेशनले गायिका शेर्पाको नेतृत्वमा नयाँ कार्यसमिति चयन भएको हो ।
संघको बरिष्ठ उपाध्यक्ष छोङबा शेर्पा, महिला उपाध्यक्ष छोकी शेर्पा, महासचिव सोनतेन्जी शेर्पा, सचिव दाबुटी शेर्पा र कोषाध्यक्षमा पेमा याङजी शेर्पा चयन भएको प्रवक्ता सोनाम याङजी शेर्पाले जानकारी दिनुभयो । त्यसैगरी सदस्यहरूमा दाबा शेर्पा, माया शेर्पा, छिरिङ शेर्पा, ङावाङ जी शेर्पा, मिङमा शेर्पालगायत निर्वाचित हुनुभएको छ ।
पर्यटन व्यवसायी आङ छिरिङ शेर्पाको प्रमुख आतिथ्यतामा सम्पन्न भएको अधिवेशनमा निवर्तमान अध्यक्ष कुंगा शेर्पाले संस्थाको प्रगती र आफ्ना कार्यकालमा भएका प्रगति प्रतिवेदन प्रस्तुत गर्नुभएको थियो । महासचिव ल्हमु शेर्पाले संघको वर्तमान अवस्था र भावी रणनीति योजना प्रस्तुत गर्नुभएको थियो ।
शेर्पा जातिको भाषा, धर्म, संस्कृति, परम्परालाई जगेर्ना गर्दै कलाकारितामार्फत समाज रूपान्तरणमा लागि परेका कलाकारलाई एकताबद्ध गराई अग्रसरता देखाउने र शेर्पा कलाकारको हकहित र अवसरका लागि पैरवी गर्ने हेतुले सात वर्षअघि संघ स्थापना भएको थियो ।
अध्यक्षमा निर्वाचित भएपश्चात पाल्मु शेर्पाले कलाकारलाई एकजुट बनाउँदै संस्थागत विकास र कलाकारको उज्ज्वल भविष्यका लागि समेत दीर्घकालीन योजना बनाएर अघि बढ्ने बताउनुभयो ।
यो खबर पढेर तपाईलाई कस्तो महसुस भयो ?
0
Like
Like
2
Love
Love
1
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच