
काठमाडौं । सलोन सलिना फिल्मसको व्यानरमा निर्माण हुने चलचित्र ‘पीआरः पर्मानेन्ट रेसिडेन्ट’को अफिसियल दुई पोष्टर सार्वजनिक भएको छ । रञ्जित शाह (आरएफएम फयासिलिटी मेनेजमेन्ट अष्ट्रेलिया) र लेन वे डम्प्लिङ सिड्नी प्रस्तुतकर्ता रहेको यो चलचित्रको निर्देशन शोभित बस्नेतले गर्दै हुनुहुन्छ ।
यही फेब्रुवरी ११ बाट छायांकनमा जाने सार्वजनिक पोष्टरमा चलचित्रका प्रमुख कलाकारहरू छन् । पोष्टरमा आर ए सुरज पौडेल, विनिता कार्की, आस्मा अधिकारी, पुजा चौधरी र राजन कुँवर हुनुहुन्छ । कलाकारलाई खुशीको भावमा प्रस्तुत गरिएको छ । अडिशनमार्फत छनोट भएका यी कलाकार नयाँ हुन् ।
निर्देशक बस्नेतका अनुसार चलचित्रको छायांकन अष्ट्रेलियाको विभिन्न सहरमा र २५ प्रतिशत छायांकन नेपालमा हुनेछ । ‘फिल्मका लागि हामीले चार सयजनाको अडिशन लिएका थियौं । तीमध्येबाट पाँच कलाकार फिल्मका लागि छनोट गर्यौं’, निर्देशक बस्नेतले भन्नुभयो ।
चलचित्रमा आर ए सुरज पौडेल, राजन कुँवर, पुजा चौधरी, विनिता कार्की, आस्मा अधिकारी, कुशल थापा, विमला खत्री, म्याक्स, नवीन घायललगायतको अभिनय रहनेछ । चलचित्रमा ए वान ग्रुप सर्भिसका प्रदीप दाहाल र इन्द्रेणी ग्रुपका लक्ष्मण सापकोटा निर्माता र एसिया प्यासिफिक इ कलेजका गणेश केसी कार्यकारी निर्माता हुनुहुन्छ । मानस राजको संगीत, शोभित बस्नेतको कथा, गणेश बुढाथोकीको पटकथा र संवाद चलचित्रमा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच