
काठमाडौं । शंखरापुर नगरपालिकाद्वारा आयोजना भइरहेको शंखरापुर महोत्सवमा ‘स्वराज्य शंखघोष’ पुस्तकको विमर्श गरिएको छ । शंखरापुर नगरपालिकाका मेयर रमेश नापितको प्रमुख अतिथ्यितामा भएको विमर्शमा पुस्तकको समीक्षा यछु जोशी र महेश प्रसाईंले गर्नुभएको थियो ।
न्यायिक समिति का सदस्य, शंखरापुर उद्योग वाणिज्य संघका अध्यक्ष तथा पुस्तकका प्रकाशक लाइफ रिसर्च एण्ड पब्लिकेसन्सका डाइरेक्टर रेणुका खरेलको उपस्थिति रहेको कार्यक्रममा पुस्तकका सम्बन्धमा लेखक केशवप्रसाद चौलागाईंले द्वन्द्व व्यवस्थापनदेखि सम्पदा संरक्षणका विषयमा प्रकाश पार्नु हुँदै भविष्यमा सौम्य शक्तिको उचित प्रयोग स्थल बन्ने कुरा अवगत गराउनु भएको थियो ।
शंख आकारको शहरका रूपमा ख्याति प्राप्त शंखरापुर नगरपालिका छुट्टै पहिचान बनाउन सफल छ । वैचारिक, सैद्धान्तिक रूपमा पनि फरक पहिचान बनाउन सक्ने ‘स्वराज्य शंखघोष’ पुस्तक अनुकरणीय बन्ने चर्चा गरिएको थियो । सिद्ध बज्रयोगीनी मन्दिरदेखि अष्ट भैरब, अष्टविनायक, अष्टमात्रिकाको आशिर्वाद रहेको यो शहर साधना सिद्धिका लागि पनि उपयुक्त स्थल रहेको पाइन्छ ।
मौलिक संस्कृति झल्कनु का साथै मौलिक अभ्यासको पर्खाइमा रहेको यो नगरपालिकाले ‘स्वराज्य शंखघोष’का आधारमा मौलिक शासकीय चरित्रलाई सफल बनाउन सक्नेछ । स्कन्द पुराणले वर्णन गरेको ‘लावण्य देश’ झै ‘स्वराज्य भूमि’का रूपमा यही संविधानअन्तर्गत नै रहेर पनि सम्मानित गराउन सक्नेछन् । पुस्तकमा संग्रहीत ‘स्वराज्य भागवत’ अध्यायले स्थानीय सरकारलाई सुशासन, मेलमिलाप, सामाजिक न्याय, शासकीय ज्ञान दिलाउन मद्दत गर्ने वक्ताहरूको भनाइ थियो ।
‘न्यायिक समिति, द्वन्द्व व्यवस्थापन र मेलमिलाप’ शीर्षकको अध्यायले उपमेयरको नेतृत्वमा मेलमिलापको ज्ञारन्टि तथा शासकीय कमजोरी हटाउँदै चुस्त सरकार सञ्चालनमा सहयोग पुर्याउने बताइएको थियो । धार्मिक पर्यटन, राष्ट्रिय सुरक्षाका साथै स्वतन्त्र परराष्ट्र नीति सञ्चालनमा समेत ‘आर्यावर्त’को अवधारणाले सहयोग पुर्याउने वक्ताहरूको जिकिर थियो । स्पर्शनीय तथा अस्पर्शनीय सम्पदाहरूको संरक्षण तथा सम्बद्धनमार्फत ‘संस्कृति, स्वराज्य र समाजवाद’ को नवीन अवधारणालाई स्थापित गर्ने उहाँहरूको भनाइ थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच