
काठमाडौं । नेपाल-चीन सांस्कृतिक तथा परम्परागत मित्रतालाई उजागर गर्ने उद्देश्यले काठमाडौंको दरबार हाइस्कुलमा छोटो तथा लामो वृत्तचित्र प्रदर्शन गरिएको छ । चाइना मिडिया ग्रुप (सीएमजी) ले तयार पारेका यी वृत्तचित्रमा नेपालको सीमा क्षेत्रमा अवस्थित तिब्बत अर्थात् सिचाङ स्वशासित क्षेत्रका तिब्बती भिक्षुहरूको दैनिकी, जीवनशैली, नेपाल-चीन हिमाली क्षेत्रको पर्यावरण, तिब्बती आली प्रिफेक्चर र नेपालका हुम्लालगायत सीमावर्ती जिल्लाबीचको सीमा व्यापार, सिचाङमा आधुनिक कृषि प्रणालीको उन्नयनलगायत अहिले तीव्र गतिमा विकसित भइरहेको एआई प्रविधिको सहयोगमा निर्मित नेपाल-चीन सम्पदा संवाद र चिनियाँ नव वर्ष गालासम्बन्धी मनोरञ्जनात्मक सामग्री रहेका छन् ।
काठमाडौंको दरबार हाइस्कूलमा नेपाल-चीन मैत्रीपूर्ण सम्बन्ध तथा चिनियाँ सर्प वर्षको सन्दर्भ पारेर चाइना मिडिया ग्रुप सीएमजी नेपाली विभागले यस्तो वृत्तचित्र प्रदर्शन गरेको हो । विसं २०७२ बैशाखको विनाशकारी भूकम्पपछि ध्वस्त भएको दरबार हाइस्कुललाई चीन सरकारको सहयोगमा पुनर्निर्माण गरिएको हो भने तिनै कक्षाकोठामा झण्डै आधा दर्जन लामा तथा छोटा वृत्तचित्र देखाइएको थियो ।
संयुक्त राष्ट्रसंघीय शैक्षिक, वैज्ञानिक तथा सांस्कृतिक संगठन (युनेस्को) को गैर-भौतिक सांस्कृतिक सम्पदामा सूचीकृत भएपछिको चिनियाँ नव वर्ष स्प्रिङ फेष्टिभल विश्व चासोको विषय बनेको छ । यसै सन्दर्भमा अघिल्लो वर्षको वसन्त चाड गाला प्रदर्शन गरिएको थियो ।
प्रदर्शित नव वर्ष गालामा चिनियाँ नवाचार, वैज्ञानिक तथा प्राविधिक चमत्कार, कुङ्फु कलालगायत परम्परागत चिनियाँ शैलीका सामग्रीले गहिरो छाप पारेको भिडियो हेरेका बालबालिकाले बताए । शिक्षक र विद्यार्थीहरूले चीनबाट ल्याइएका वृत्तचित्रहरू हेरेपछि चीनबारे थाहा नपाइएका धेरै कुरा जान्ने अवसर मिलेको प्रतिक्रिया दिएका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच