
काठमाडौं । हिमालयन क्रिकेट एकेडेमीले केसिए यू-१४ क्रिकेट प्रतियोगिताको उपाधि जितेको छ । फाइनल खेलमा हिमालयनले ओएसिस क्रिकेट एकेडेमीलाई ६० रनले हराउँदै उपाधि जितेको हो ।
हिमालयनले दिएको ९७ रनको लक्ष्य पछ्याएको ओएसिसले १७.५ ओभरमा सबै विकेट गुमाएर ३६ रनमात्रै बनाउन सक्यो । उसका लागि गञ्चाङ मिश्र र आरोनजंग गिरीले समान ११ रन बनाउनुभयो । त्यसअघि टस जितेर पहिले ब्याटिङ गरेको हिमालयनका लागि तपेन्द्र विष्टले २६ रन बनाउँदा सुलभ न्यौपानेले १५ रनको योगदान दिनुभयो । उपाधिसँगै हिमालयनले ५० हजारसहित ट्रफी, मेडल पायो भने उपविजेता ओएसिसले ३० हजार प्राप्त गरेको छ ।
यस्तै, प्रतियोगिताको सर्वाधिक १० विकेट लिनुभएका हिमालयन ‘ए’का सौगात धामी बेष्ट बलर घोषित हुनुभयो । बेष्ट ब्याटर केवीन दैलिएल र प्लेयर अफ द सिरिज हिमालयन ‘ए’ का जयन्द्र विष्ट घोषित हुनुभयो । यी तीनै विधाका खेलाडीहरूले समान पाँच हजार पाए ।
फाइनल तथा समापन खेलमा नेपाल क्रिकेट संघ क्यान अध्यक्ष चतुरबहादुर चन्द प्रमुख अतिथि र उपाध्यक्ष रोशनकुमार सिंहले काठमाडौं क्रिकेट एकेडेमीको उद्घाटन गर्नुभएको थियो । कार्यक्रममा भंगाल नगरपालिकाका मेयर सञ्जीव शाह, नेपाली राष्ट्रिय टिमका सदस्य आसिफ शेखलगायतका अतिथिको उपस्थिति थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच