
काठमाडौं । द एक्सेल्सियर स्कुलको आयोजनामा ११औँ एक्सेल्सियर कप आज (बुधबार)देखि हुने भएको छ । प्रतियोगितामा फाइभ ए साइड फुटसल र बास्केटबलमा प्रतिस्पर्धा हुने एक्सेल्सियरका प्रिन्सिपल प्रशान्त रजकले मंगलबार आयोजित पत्रकार सम्मेलनमा जानकारी गराउनुभयो । ब्वाइज फुटसलमा विभिन्न चार उमेर समूहमा खेल हुनेछ ।
बास्केटबलमा दुई विधामा प्रतिस्पर्धा हुनेछ । फुटसलको यू-९ मा ९, यू-११ मा १४, यू-१४ मा १२ र यू-१६ मा १२ टिमले लिग कम नकआउट आधारमा प्रतिस्पर्धा गर्नेछन् । बास्केटबलको सिनियर ब्वाइजमा १६ तथा सिनियर गल्र्समा १२ टिमले सहभागिता जनाउने बास्केटबल प्रशिक्षक आशिष महर्जन जानकारी दिनुभयो ।
ग्रासरुटदेखि भविष्यका प्रतिभावान खेलाडीको पहिचान गर्ने उद्देश्यले यू-९ उमेर समूहको फुटसल पहिलोपटक समावेश गरिएको एक्सेल्सियरका खेलकुद विभाग प्रमुख महेश मल्ल ठकुरीले बताउनुभयो । आयोजकका अनुसार प्रतियोगिता सञ्चालन गर्न करिब १० लाख रुपैयाँ खर्च हुनेछ । खेलहरू स्वयम्भूस्थित आयोजककै हातामा खेलाइनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच