
काठमाडौं । काठमाडौं क्रिकेट एकेडेमीको औपचारिकरूपमा उद्घाटन गरिएको छ । काठमाडौंको बुढानीलकण्ठ नगरपालिका-१३, चुनिखेलमा रहेको सुविधा सम्पन्न एकेडेमीको आयोजना नेपाल क्रिकेट संघ (क्यान)का अध्यक्ष चतुरबहादुर चन्दको प्रमुख आतिथ्यमा उद्घाटन गरिएको हो । उद्घाटन कार्यक्रममा क्यानका अन्य पदाधिकारी, राष्ट्रिय क्रिकेट खेलाडी आशिफ सेखलगायत क्रिकेटसँग सरोकार राख्ने व्यक्तिहरूको उपस्थिति थियो ।
कार्यक्रममा बोल्दै क्यानका अध्यक्ष चन्दले नेपालको क्रिकेट विकासमा क्रिकेट एकेडेमीहरूले महत्वपूर्ण योगदान पुर्याउने बताउनुभयो । नेपालमा क्रिकेटको विकासका लागि निजी क्षेत्र पनि अघि बढ्नुलाई क्यानले सकारात्मकरूपमा लिएको उहाँको भनाइ थियो ।
पछिल्लो समय नेपालमा क्रिकेटको स्वर्णिम युगको सुरुवात भएको समेत अध्यक्ष चन्दको जिकिर थियो । नेपालमा क्रिकेटको सम्भावना उच्च रहेको भन्दै उहाँले यसको विकासका लागि सरकार र निजी क्षेत्र सँगसँगै अघि बढ्नुपर्ने बताउनुभयो ।
नेपालको समग्र क्रिकेट विकासका लागि सपनामाथिको लगानीका रूपमा काठमाडौं क्रिकेट एकेडेमी अघि बढेको सञ्चालकको भनाइ छ । एकेडेमीले क्रिकेटको अभ्यासका लागि सुविधा सम्पन्न आउटडोर र इनडोर खेल मैदानको व्यवस्था गरेको छ ।
एकेडेमीको मुख्य प्रशिक्षकका रूपमा राष्ट्रिय क्रिकेट टिमका पूर्वप्रशिक्षक जगत् टमटा रहनुभएको छ । उहाँका अनुसार काठमाडौं किक्रेट एकेडेमीमा राष्ट्रिय खेलाडीहरूले समेत अभ्यास गर्न सक्ने गरी पूर्वाधारहरू बनाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच