काठमाडौं । कवि एवं पूर्वसचिव विजयराज भट्टराईको निधन भएको छ । उहाँको सोमबार ७६ वर्षको उमेरमा ललितपुरस्थित मेडिसिटी अस्पतालमा निधन भएको हो । कुलेश्वरस्थित निवासमै बिहीबार आकस्मिक रूपमा बिरामी परेपछि भट्टराईलाई उपचारका लागि मेडिसिटी अस्पताल लगिएको थियो ।
उहाँको सोमबार बेलुका नै पशुपति आर्यघाटमा अन्तिम संस्कार गरिएको छ । अन्त्येष्टिका क्रममा नेपाल प्रहरीले पूर्वसचिव भट्टराईलाई सलामीसमेत दिएको थियो ।
लामो समयसम्म काठमाडौं, चितवनलगायतका जिल्लामा प्रमुख जिल्ला अधिकारी (सिडिओ) रहनुभएका भट्टराईले स्वास्थ्य, भूमिसुधारलगायत मन्त्रालयमा सचिवको जिम्मेवारी पनि सम्हाल्नुभएको थियो । खरो स्वभावका भट्टराई लोकप्रिय सिडिओका रूपमा चिनिएको उहाँका सहकर्मी बताउँछन् ।
२००५ सालमा तनहुँको चुँदीमा जन्मिनुभएका उहाँ भानु साहित्य उद्यानका अध्यक्षसमेत हुनुहुन्थ्यो । भट्टराईले कवितामा विशिष्ट सोच र शैलीको सामञ्जस्य स्थापित गर्नुभएको छ । उहाँको २०५९ सालमा कवितासंग्रह ‘प्रस्तरस्तम्भ’ प्रकाशित भएको थियो ।
उहाँका तीन छोरा, एक छोरी र श्रीमती हुनुहुन्छ । उहाँका कान्छा छोरा डा.निरज भट्टराई मुटुरोग विशेषज्ञका रूपमा कार्यरत हुनुहुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
प्रदेशलाई अधिकार नदिए संघीयता कार्यान्वयन
सिआन महिला पुनर्स्थापना केन्द्रको दुई
अलोकनगरमा निःशुल्क स्वास्थ्य शिविर तथा
नेता ठाकुरको पेसमेकर परिवर्तन शल्यक्रिया
कास्की पहिरोमा दुई कामदारको मृत्यु
भोटेकोशी बाढीले रसुवामा ४१ किलोमिटर