सिड्नी । अष्ट्रेलियाका वैज्ञानिकहरूले बिहीबार इन भिट्रो फर्टिलाइजेसन (आइभिएफ)मार्फत् विश्वको पहिलो कंगारु भ्रूण उत्पादन गरेको बताएका छन् । यसलाई उनीहरूले खतरामा परेका मार्सुपियलहरू बचाउने दिशामा महत्वपूर्ण कदमका रूपमा प्रशंसा गरेका छन् ।
क्विन्सल्याण्ड विश्वविद्यालयको नेतृत्वमा रहेको टोलीले भविष्यमा दुर्लभ मार्सुपियलहरूका लागि आइभिएफ प्रयोग गर्ने लक्ष्यका साथ यो प्रविधि पूर्वी खैरो कंगारुहरूमा प्रयोग गरेको बतायो । यिनीहरूको संख्या लाखौँ छ ।
‘अष्ट्रेलिया विश्वकै सबैभन्दा विविध मार्सुपियल जीवजन्तुहरूको घर हो तर यहाँ स्तनपायी विलुप्त हुने दर पनि सबैभन्दा बढी छ,’ प्रमुख अनुसन्धानकर्ता आन्द्रेस गाम्बिनीले विज्ञप्तिमा भन्नुभयो, ‘हाम्रो अन्तिम लक्ष्य कोआला, तास्मानियन डेभिल, उत्तरी रौँ भएको नाकवाला वोम्ब्याट र लिडबिटर पोसम जस्ता लोपोन्मुख मार्सुपियल प्रजातिहरूको संरक्षणमा सहयोग गर्नु हो ।’
वैज्ञानिकहरूले एकल शुक्राणुलाई सिधै परिपक्व अण्डामा प्रवेश गराउने प्रविधिद्वारा भ्रूणहरू उत्पादन गरे ।
‘पूर्वी खैरो कंगारुहरूको संख्या धेरै भएकाले हामीले घरेलु जनावर र मानिसहरूमा पहिले नै प्रयोग गरिएका भ्रूण प्रविधिहरूलाई अनुकूल बनाउने मोडेलका रूपमा प्रयोग गर्न तिनका अण्डा र शुक्राणु संकलन गर्यौँ,’ गाम्बिनीले भन्नुभयो, ‘हामी अहिले मार्सुपियल अण्डा र शुक्राणु संकलन, संवद्र्धन र संरक्षण गर्ने प्रविधिहरू परिष्कृत गर्दैछौँ ।’
उचित सहकार्य, कोष र प्राविधिक प्रगतिका साथ एक दशकभित्र आइभिएफ-सहायता प्राप्त मार्सुपियल जन्म सम्भव हुन सक्ने अनुसन्धानकर्ताले बताएका छन् ।
अष्ट्रेलियामा कंगारुको कुल संख्या तीन करोडदेखि छ करोडबीचमा उतारचढाव हुन्छ र कंगारुको संख्या नियन्त्रणका लागि तिनीहरूलाई प्रायः मारिन्छ ।
यी जनावरहरूको ‘वृद्धि र पतन’ संख्या चक्र हुन्छ । जब राम्रो वर्षा मौसमपछि चारा प्रशस्त हुन्छ तिनीहरूको संख्या करोडौँले बढ्न सक्छ । तर, केही अन्य मार्सुपियल संख्या धेरै नै जोखिममा छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच