काठमाडौं । गत हप्ता प्रदर्शनमा आएको चलचित्र ‘एक्टरः टेक वन’ उत्कृष्ट प्रतिक्रियासहित दोस्रो हप्ता प्रवेश गरेको छ । वितरण कम्पनी डिसिएनका अनुसार यस चलचित्रले दोस्रो हप्ताको पहिलो दिन शुक्रबार १०२ शो प्राप्त गरेको छ । यो आँकडा दोस्रो हप्ताका लागि उत्साहजनक हो । यसको पहिलो हप्ताको व्यापारबारे भने निर्माता मौन छन् ।
यतिबेला यो चलचित्र नेपालबाहिरका विभिन्न देशहरूमा पनि प्रदर्शनका क्रममा रहेको छ । हाल यसको रिलिजका लागि अभिनेता प्रदिप खड्का जापान पुग्नुभएको छ । दुई दिनअघि जापानमा यसको प्रिमियर आयोजना भएको थियो, जहाँ सयौँ दर्शकसँग बसेर खड्काले चलचित्र हेर्नुभएको थियो । उहाँ जापानका विभिन्न शहरहरूमा आयोजना हुने शोहरूमा सहभागी भई अमेरिका प्रस्थान गर्नुहुनेछ । खड्का अमेरिकामा पनि यही चलचित्र रिलिजका लागि जान लाग्नुभएको हो । खड्का सम्बद्ध कम्पनीले यस चलचित्रको अमेरिका र क्यानडाको वितरण अधिकार खरिद गरेको हो । यो चलचित्र युरोपमा समेत रिलिज हुँदैछ ।
दर्शकबाट यस चलचित्रको अर्को भागको पनि माग हुँदै आएको छ भने यसको क्लाइमेक्सलाई लिएर दश वर्षअघिको चलचित्र ‘लुट’सँग समेत दर्शकबाट तुलना गरिएको छ । यसका निर्देशक राजन भुसालले पनि उल्लेख्य तारिफ प्राप्त गरिरहनुभएको छ ।
चलचित्रमा प्रदिप खड्का, आना शर्मा, दिव्या राजमाझी, राजबल्लभ कोइराला, दिव्य देव, सिर्जना अधिकारी, उषा रजक, सुशील सिटौलालगायतका कलाकारहरूको प्रमुख भूमिका छ । चलचित्रको स्क्रिप्ट आकाश बराल र राजन भुसालले लेख्नुभएको हो । अधृत फिल्मस् र अ मोती फिल्मको संयुक्त प्रस्तुति रहेको यो चलचित्रमा निर्माता थमनकुमार भण्डारी, क्रियटिभ प्रोड्युसर मोती कार्की र सह-निर्माता अनिश भुसाल रहनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच