
काठमाडौं । नेपालको आर्थिक विकासमा महत्वपूर्ण भूमिका निर्वाह गर्दै आइरहेको नेपालको बैंक तथा वित्तीय क्षेत्र नेपाल राष्ट्र बैंकको सूक्ष्म निगरानी र सोको नीति/नियमहरूको अधिनमा रहेर प्रत्येक त्रैमासिकरूपमा वित्तीय विवरण सार्वजनिक गर्दै बैंकिङ क्षेत्र पारदर्शीमात्र नभई सुपरीवेक्षणीय दृष्टिकोणले समेत अब्बल रहँदै आएको छ । अन्तर्राष्ट्रिय बैंकिङ सिद्धान्तका व्यवस्था तथा राष्ट्र बैंकले तोकेको नीतिगत व्यवस्थाको पालना गर्दै बैंकिङ क्षेत्र उदाहरणका रूपमा स्थापित भएको छ ।
नेपालका बैंक, वित्तीय तथा लघुवित्त संस्थामा जोखिम बहन गर्ने क्षमता भएको र आजको दिनमा बैंकिङ क्षेत्र सुुरक्षित रहेको बैंक तथा वित्तीय संस्थाहरूले जनाएका छन् । तर पनि बैंक तथा वित्तीय क्षेत्रलार्ई खलबलाउन केही अराजक गतिविधि भइरहेको र सामाजिक सञ्जालमा समेत विभिन्न बैंक तथा वित्तीय संस्थाको नाम प्रयोग गरी प्रेषित गरिएको केही भ्रामक र गलत अभिव्यक्तिप्रति बैंक तथा वित्तीय संस्थाका छाता संगठनहरूले आपत्ति जनाएका छन् । संघहरूसँग सम्बन्धित सबै बैंक तथा वित्तीय संस्थामा रहेको निक्षेपकर्ताको रकम पूर्णरूपमा सुरक्षित रहेको र राष्ट्र बैंकबाट जारी निर्देशनबमोजिम प्राकृतिक व्यक्तिका नाममा बचत तथा मुद्दती खातामा रहेको पाँच लाखसम्मको निक्षेप नेपाल सरकारद्वारा स्थापना गरिएको निक्षेप तथा कर्जा सुरक्षण कोषमार्फत् सुरक्षण गरिएको पनि संघहरूले स्पष्ट पारेका छन् । त्यसैले सामाजिक सञ्जालमा देखिने गलत तथा भ्रामक टिप्पणीमा कुनै ध्यान नदिन र सम्बन्धित सरोकार निकायले सम्प्रेषण गरेको सूचना÷समाचारमात्र आधिकारिकरूपमा लिन पनि आग्रह गरिएको छ । साथै आमसर्वसाधारणलाई त्रसित पार्ने, समाज खलबल्याउने, गलत र आपत्तिजनक अभिव्यक्ति दिने र ग्राहकलाई बैंकिङ सेवा प्रयोग गर्ने अधिकारबाट वञ्चित गराउनेलाई कानुनी दायरामा ल्याई आवश्यक कारबाही गर्नसमेत सरकारी निकायहरूलाई आग्रह गरिएको छ ।
बैंकिङ क्षेत्रप्रति सद्भाव, सहयोग र विश्वास प्रदान गर्ने समस्त ग्राहकवर्ग तथा आमजनमानसमा सही सूचना/तथ्य पुर्याउन सहयोग गर्नेे सञ्चारमाध्यमलगायत सम्पूर्ण सरोकारवालाप्रति आभार प्रकट गर्दै आफ्ना सेवा-सुविधालाई आगामी दिनमा अझै बढी सुदृढ बनाउन बंैकिङ क्षेत्र प्रतिबद्ध रहेको पनि बैंक तथा वित्तीय संस्थाहरूले उल्लेख गरेका छन् । शुक्रबार यसरी संयुक्त विज्ञप्ति जारी गर्नेमा नेपाल बैंकर्स संघ, डेभलपमेन्ट बैंकर्स एसोसिएसन नेपाल, नेपाल वित्तीय संस्था संघ र नेपाल लघुवित्त बैंकर्स संघ रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच