सोलुखुम्बु । राजनीतिसँगै समाजसेवामा समेत सक्रिय सोलुखुम्बु जिल्लाको खुम्बु पासाङल्हमु गाउँपालिका वडा नम्बर-१ का वडा अध्यक्ष फुनुरु शेर्पाले वडावासी नागरिकहरूलाई न्यानो ज्याकेट वितरण गर्नु भएको छ । उहाँकै पहल कदमीमा पर्यटन व्यवसायी र नेपाली कांग्रेस आबद्ध केही वडा सभापतिहरूको आर्थिक सहयोमा न्यानो ज्याकेट वितरण सम्पन्न भएको हो ।
हिमाली क्षेत्रमा बाह्रै महिना जाडो त्यसमा पनि मंसिर, पसु, माघ र फागुन अति जाडो हुने भएकाले केही राहत मिलोस् भन्ने उद्देश्यकासाथ नम्बर-१ वडाभित्रका अपांगता भएका व्यक्ति, वृद्धवृद्धा, एकल महिला, विद्यालयका शिक्षक/शिक्षिका, गुम्बाका लामा गुरु, नेपाल प्रहरी, वडाका जनप्रतिनिधि र स्वास्थ्य संस्थाका कर्मचारीहरूलाई झण्डै नौ लाख रुपैयाँ बराबरको ३ सय २१ थान डाउन ज्याकेट वितरण गरेको वडा अध्यक्ष शेर्पाले बताउनुभयो ।
पहल गरे के हुँदै न भन्ने उदाहरण बन्नु भएकाले वडा अध्यक्ष शेर्पाले विगतमा पनि समाज सेवालाई नै निरन्तरता दिँदै आउनु भएको थियो । शेर्पा भन्नु हुन्छ, ‘राजनीति नै समाज सेवा हो, त्यसमा पनि म जनप्रतितिनिधि भनेको जनताको सेवक हो, म त्यही जनप्रतिनिधि हूँ, सबैसँग सहयो लिएर काम गर्नु मेरो दाहित्व हो ।’ उहाँका अनुसार वाडा वासी सबैको घरदैलोमा पुगेर जनभावना बुझेको र त्यही भावना अनुसार वडाले विकासका योजना तथा कार्यक्रम तयार पार्दै गरेको बताउनु हुन्छ । आगामी वर्ष खुम्बु पासाङल्हमु गाउँपालिका वडा नम्बर-१ लाई जिल्लाकै नमुना वडा बनाउने गरी कम गर्दै आएको दाबी गर्नु हुन्छ वडा अध्यक्ष शेर्पा ।
वडा अध्यक्ष शेर्पाकै पहलमा ज्याकेट वितरणका लागि ड्रिम क्यारियर ट्रेक्स एण्ड एक्सपिडिसनका डाइरेक्टर पासांङ छिरी शेर्पाले दुई लाख, ओङछु शेर्पा र टानका वरिष्ठ उपाध्यक्ष सोनाम शेर्पाले ५० हजार, खुम्बुपासाङल्हमु गाउँपालिका वडा नम्बर-५ का कांग्रेस सभापति मिङ्गमा शेर्पाले ५० हजार, समाजसेवी पेमा छेवाङ शेर्पाले ४० हजार, पर्यटन व्यवसायी निमा छिरी शेर्पाले ३० हजार, सोनाम गेल्जेन शेर्पाले २० हजार र वडा नक्बर-४ नेपाली कांग्रसका वडा सभापति पासाडङ दावा शेर्पाले १० हजार रुपैयाँ सहयोग गरेको वडा अध्यक्ष शेर्पाले जानकारी दिनुभयो । जनताका समस्यासँग रहेर काम गर्ने भन्दै वडा अध्यक्ष शेर्पाले आफ्नो कार्यकालमा आफूले सकेको जति पहल गर्दै जाने दाबी गर्नु हुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच