काठमाडौं । सिद्घार्थ बैंकले वित्तीय साक्षरता प्रवद्र्धन गर्ने उद्देश्यले मधेस प्रदेशमा विप्रेषण प्रापक र सम्भावित वैदेशिक रोजगारीमा जानेलाई लक्षित गरी वित्तीय साक्षरता कार्यक्रम आयोजना गरेको छ । बिफक्याप नेपालको व्यवस्थापनमा भएको कार्यक्रममा एक सय तीनजनाको सहभागिता रहेको थियो भने नेपाल राष्ट्र बैंकबाट वित्तीय साक्षरता तालिम प्राप्त प्रशिक्षक सुमनराज सुवेदीले प्रस्तुतीकरण दिनुभएको थियो ।
बैंकले लक्षित वर्गलाई वित्तीय चेतना प्रदान गरी वित्तीय सशक्तीकरणमा योगदान पुर्याउन कार्यक्रम आयोजना गरिएको जनाएको छ । बैंकका अनुसार २०८१ साल माघ २१ गते बाराको जितपुर सिमरा उपमहानगरपालिका वडा नम्बर १५ डुमरवानामा विप्रेषण प्रापकलाई लक्षित वित्तीय साक्षरता कार्यक्रममा स्थानीय महिला तथा पुरुष गरी कुल ५१ जनाको सहभागिता रहेको थियो भने २०८१ साल माघ २२ गते पर्साको वीरगञ्ज महानगरपालिका वडा नम्बर १ बेल्वास्थित नौकाटोलामा सम्भावित वैदेशिक रोजगारीमा जाने युवालक्षित वित्तीय साक्षरता कार्यक्रममा कुल ५२ जना स्थानीय युवाहरूको सहभागिता रहेको थियो ।
कार्यक्रममा वित्तीय सेवासम्बन्धी ज्ञान, बैंकले प्रदान गर्ने सेवा, डिजिटल कारोबार र यसमा अपनाउनुपर्ने सावधानी, दैनिक आम्दानी तथा खर्च विश्लेषण, विप्रेषण पठाउने माध्यम, बचत र लगानी, गुनासो व्यवस्थापनलगायतका विषयमा जानकारी दिइएको थियो । बैंकले वित्तीय साक्षरतालाई सधैं प्राथमिकतामा राखी विभिन्न लक्षित समूहलाई वित्तीय साक्षरता कार्यक्रम र बैंक शाखा भ्रमण गर्दै आएको छ । आगामी दिनमा पनि यस्ता कार्यलाई निरन्तरता दिँदै जाने योजना बैंकको रहेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच