काठमाडौं । सरकारले सुर्तीजन्य उद्योगका लागि नयाँ निर्देशिका लागू गर्दा स्वदेशी चुरोट तथा सुर्तीजन्य उद्योग गम्भीर संकटमा पर्ने सम्बद्ध उद्योगीले गुनासो गरेका छन् । नेपालमा चुरोट तथा सुर्तीजन्य उद्योगले वार्षिकरूपमा पाँच हजार करोडभन्दा बढी राजस्व योगदान गर्दै आएका छन् भने प्रत्यक्ष तथा अप्रत्यक्ष लाखौंले रोजगारी पाएका छन् ।
हालै स्वास्थ्य तथा जनसंख्या मन्त्रालयले सुर्तीजन्य पदार्थका प्याकेजिङमा शतप्रतिशत चेतावनीमूलक सन्देश समावेश गर्नुपर्ने व्यवस्था गरेको छ । उक्त निर्देशिका २०८२ भदौदेखि पूर्णरूपमा कार्यान्वयनमा आउनेछ । उत्पादनमूलक उद्योगलाई निरुत्साहित गर्ने सरकारको नीतिगत निर्णयका कारण स्वदेशी उद्योग धरासायी बन्ने उद्योगीको भनाइ छ ।
नयाँ निर्देशिका निर्माणका क्रममा सरकारले सम्बद्ध उद्योगीसँग विस्तृत छलफल नगरेको तथा गैरसरकारी संस्थाको प्रभावमा ल्याएको उनीहरूको आरोप छ । खासगरी एक्सन नेपाल जस्ता संस्थाले विदेशी अनुदान प्राप्त गर्दै चुरोट उद्योग बन्द गराउने रणनीति अपनाएको उद्योगीको दाबी छ । उनीहरूका अनुसार निर्देशिकाले सुर्तीजन्य वस्तु आयातित विकल्प जस्तै इ-सिगरेट, वेप, तथा निकोटिन पौचमालाई छुट दिएको छ । जसका कारण विदेशी ब्राण्डलाई फाइदा पुग्ने तर स्वदेशी उत्पादनलाई कठिनाइ हुने भन्दै उनीहरूले निर्देशिकाबारे पुनर्विचार गर्न पनि माग गरेका छन् । उद्योग मन्त्रालयसँग समेत परामर्श नगरिएको तथा केवल स्वास्थ्य मन्त्रालयकै पहलमा निर्णय लागू गरिएको उद्योगीको जिकिर छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच