काठमाडौं । रिभेरा इन्टरनेसनल एकेडेमी र डाफोडिलले तेस्रो रिभेरा तेक्वान्दो प्रतियोगिताको उपाधि जितेका छन् । रिभेरा इन्टरनेसनल एकेडेमीद्वारा आयोजित एकदिने प्रतियोगितामा रिभेरा ग्योरोगी (फाइट) मा र डाफोडिल पुम्सेमा च्याम्पियन भएका हुन् । चाबहिलस्थित मैजुबहालमा सम्पन्न प्रतियोगितामा रिभेराले पाँच स्वर्ण, दुई रजत र पाँच कांस्य पदक जितेको हो ।
दोस्रो भएको डाफोडिलले पाँच स्वर्ण तथा समान एक रजत र कांस्य पदक प्राप्त गर्यो । इन्साइट भिजन तेस्रो स्थानमा रहृयो । इन्साइट भिजनले दुई स्वर्ण, एक रजत र तीन कांस्य पदक जितेको थियो । पुम्सेमा च्याम्पियन डाफोडिलले तीन स्वर्णसहित चार कांस्य पदक प्राप्त ग¥यो । पुम्सेमा पनि रिभेरा दोस्रो स्थानमा रहृयो ।
आयोजक रिभेराले एक स्वर्ण, दुई रजत र एक कांस्य पदक प्राप्त गरेको थियो । समान एक स्वर्ण र रजत तथा चार कांस्यका साथ सृष्टि तेस्रो भयो । प्रतियोगितामा पुरुषतर्फ इन्साइट भिजनका सजिद हुसैन र महिलामा हिमशिखरकी सुहाना श्रेष्ठ उत्कृष्ट खेलाडी घोषित हुनुभयो । दुवैले समान तीन हजार रुपैयाँ नगद पुरस्कारसहित ट्रफी प्राप्त गर्नुभएको थियो ।
नेपाल एभरेष्ट स्कुलले अनुशासित टिमको उपाधि हात पारेको थियो । विजेतालाई काठमाडौं महानगरपालिका वडा-८ का अध्यक्ष आशामान संगत, काठमाडौं जिल्ला तेक्वान्दो संघका अध्यक्ष विक्रम खड्गी र रिभेराका प्रिन्सिपल प्रज्ज्वल कोइरालालगायतले पुरस्कृत गर्नुभएको थियो । प्रतियोगितामा १८ टोलीका २२४ खेलाडीले प्रतिस्पर्धा गरेका थिए ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच