नयाँदिल्ली । घरेलु टोली भारतले इंग्ल्याण्डविरुद्धको एकदिवसीय अन्तर्राष्ट्रिय शृंखलामा ‘क्लिन स्विप’ गरेको छ । अहमदावादस्थित नरेन्द्र मोदी क्रिकेट मैदानमा १४२ रनको फराकिलो जित दर्ता गर्दै भारतले इंग्ल्याण्डविरुद्धको शृंखला ३-० ले क्लिन स्विप गरेको हो । भारते दिएको ३५७ रनको लक्ष्य पछ्याएको इंग्ल्याण्डले ३४.२ ओभरमा सबै विकेट गुमाउँदै २१४ रनमात्रै बनाउन सक्यो ।
इंग्ल्याण्डका कुनै पनि ब्याट्सम्यानले अर्धशतक बनाउन सकेनन् । इंग्ल्याण्डका गस एट्किन्सल र टम बेन्टनले समान ३८, बेन डुकेटले ३४, जो रुटले २४, फिल साल्टले २३ र हृयारी ब्रुकले १९ रन बनाउनुभयो । पहिलो विकेटका लागि बेन र फिलले ६० रनको साझेदारी गर्नुभएको थियो । भारतका लागि अर्शदीप सिंह, हर्षीत राना, अक्षर पटेल र हार्दिक पाण्ड्याले समान दुई तथा वासिङ्टन सुन्दर र कुलदीप यादवले समान एक विकेट लिनुभयो ।
त्यसअघि टस हारेर ब्याटिङको निम्तो पाएको भारतले निर्धारित ५० ओभरमा सबै विकेट गुमाउँदै ३५६ रनको योगफल तयार पारेको थियो । भारतका लागि शुभमन गिलले १०२ बलमा सर्वाधिक ११२ रनको योगदान गर्नुभयो । श्रेयस अøयरले ६४ बलमा ७८, विराट कोहलीले ५५ बलमा ५०, केएल राहुलले ४०, हार्दिक पाण्ड्याले १७, वासिङटन सुन्दरले १४ तथा अक्षर पटेल र हर्षित रानाले समान १३ रन बनाउनुभयो ।
इंग्ल्याण्डका लागि आदिल रासिदले चार, मार्क उडले दुई तथा सकिब महम्मद, गस एट्किन्सन र जो रुटले समान एक विकेट लिनुभयो ।
यस्तै, स्टार ब्याट्सम्यान विराट कोहलीले एसियामा १६ हजार रन पूरा गर्नुभएको छ । कोहलीले एसियामा खेलेका ३१२ खेलमा १६ हजार २५ रन बनाउनुभएको छ । कीर्तिमानको पहिलो स्थानमा सचिन तेन्दुलकर हुनुहुन्छ जसले ४११ खेलमा २१ हजार ४७१ रन बनाउनुभएको छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच