काठमाडौं । ग्लोबल फिल्म डेको अवसरमा राजधानीमा ‘फिल्ममा महिला’ शीर्षकमा अन्तर्क्रिया कार्यक्रम आयोजना गरिएको छ । ग्लोबल कम्प्याक्ट नेपाल र बटरफ्लाई फिल्मस्को आयोजनामा सम्पन्न कार्यक्रममा अभिनेत्री बसुन्धरा भुसाल, नेपालकी पहिलो महिला सम्पादक रक्षा सिंह राणा, निर्देशक एवं कोरियोग्राफर रेनेशा वान्तवा राई र नेपालकै एकमात्र महिला फिल्म वितरक जेनिश पहारी वक्ता रहनुभएको थियो ।
ग्लोबल कम्याक्ट नेपालका कार्यकारी निर्देशक कृष्ण शाहको सहजीकरणमा सम्पन्न कार्यक्रममा एसियाककै पहिलो महिला टेम्पो चालक, उद्योगपती एवं समाजसेवी लक्ष्मी शर्माले स्वागत मन्तव्य व्यक्त राख्नुभएको थियो । अभिनेत्री बसुन्धरा भुसाल आफ्नो पहिलो फिल्म ‘आमा’देखि पछिल्लो ‘बेहुली फ्रम मेघौली’सम्म आउँदाका चुनौती र अवसरबारे खुलाउनुभएको थियो ।
सम्पादक तथा निर्देशक रक्षा सिंह राणाले फिल्म क्षेत्रमा महिलाका लागि निकै अवसर रहेको र त्यसका लागि आफ्नो क्षमता चिनेर र मिहिनेतका साथ अघि बढ्नुपर्ने धारणा राख्नुभएको थियो ।
कोरियोग्राफर तथा निर्देशक रेनेशा वान्तवा राइले आफूले कक्षा १२ पछि कलिलै उमेरमा नृत्य निर्देशन यात्रा तय गरेको र करिव डेढ दशकको करिअरमा आफ्नो मिहिनेत र सिकाइले फिल्म निर्देशनमा समेत काम गरेको बताउनुभयो ।
त्यस्तै, फिल्म वितरक जेनिश पहारीले फिल्म वितरणका विभिन्न चरणबारे जानकारी दिँदै फिल्म क्षेत्रमा वितरकको चुनौती र अवसरबारे बताउनुभयो । जेनिशले अहिले पनि फिल्म क्षेत्रमा महिला नजाओस भन्ने समाज र घर परिवारको मान्यता रहेको र त्यसलाई हटाउनुपर्ने सुझाव दिनुभयो ।
विभिन्न स्कुल र कलेजका विद्यार्थी तथा चलचित्रकर्मी र व्यवसायीको संलग्नतामा सम्पन्न अन्तर्क्रिया कार्यक्रममा बटरफ्लाई फिल्मस् अध्यक्ष सिर्जन श्रेष्ठले धन्यवाद ज्ञापन गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
प्राध्यापक अम्वीर पाण्डेको निधन
फिफा अध्यक्षमाथि अर्को दबाब
पाँच हजार म्याचको ऐतिहासिक माइलस्टोन
एसियाडमा करातेबाट पदकको आशा
क्यापिटल क्वीन नेपाल-२०२६ को उपाधि
ब्रोड पिकका दिवंगत आरोहीको सम्झनामा