तनहुँ । तनहुँको भीमाद नगरपालिका वडा नम्बर ६ मा अवस्थित धर्म माध्यामिक विद्यालय परिसरमा धर्मराज अर्यालको सालिक स्थापना गरी अनावरण गरिएको छ । अर्याल विद्यालय निर्माणका लागि जग्गा प्रदान गर्ने दाता हुनुहुन्छ । २०५० साल फागुन १ गते धर्मराज अर्यालका सन्ततिमध्येका ज्येष्ठ सुपुत्र डोलराज अर्यालको सक्रियतामा आफ्ना बुबा धर्मराज अर्यालको नाममा विद्यालय रहने गर्ने गरी सो जमिन प्रदान गरिएको थियो ।
हाल विद्यालयको पठनपाठन राम्रो रहेको तथा विद्यालय परिसरमा स्वर्गीय धर्मराज अर्यालको सालिक स्थापना गर्नका लागि उहाँको परिवारजनले गरेको आग्रहलाई विद्यालयका पूर्व प्रधानध्यापक कृष्णराज भण्डारीलगायत व्यवस्थापन समितिका पदाधिकारीहरूले सहमत गरी वडा नम्बर ६ का वडा अध्यक्ष श्याम जोशीसमेतको अग्रसरतामा सालिक स्थापना गरिएको हो । २०८१ साल फागुन १ गते स्वर्गीय अर्यालको अर्ध कदको शालिक अनावरण भएको छ ।
शिक्षा क्षेत्रमा निरन्तर लागिरहेको अर्याल परिवारले जीवन र जगतको ज्ञान शिक्षाबाट नै रहन्छ, शिक्षाको माध्यमबाट समाज रूपान्तरण हुन्छ भन्ने योजनाका साथ शिक्षा क्षेत्रमा निरन्तरता दिइरहेको छ । चाहे त्यो जय नेपाल निमावि स्थापना कालमा होस् चाहे त्यो धर्म माध्यमिक विद्यालय स्थापना कालमा होस् धर्मराज अर्यालका सन्तति मध्यका ज्येष्ठ सुपुत्र डोलराज अर्यालको नेतृत्वमा उहाँका भाइ, छोरा र भतिजहरूको यो लगाब हो ।
धर्म मावि व्यवस्थापन समितिका अध्यक्ष कृष्णराज भण्डारीको अध्यक्षतामा औपचारिक कार्यक्रम सञ्चालन भएको थियो । भीमाद नगरपालिका-६ का वडा अध्यक्ष श्याम जोशीको प्रमुख आतिथ्यतामा सो कार्यक्रम सम्पन्न भएको थियो । प्रमुख जोशीले अर्याल परिवारले शिक्षा क्षेत्रमा गरेको योगदान तथा विद्यालय स्थापना गर्नका लागि जमिन उपलब्ध गराई अर्याल परिवारले परोपकारी काम गर्नुभएको मन्तव्य राख्नुभयो ।
सो कार्यक्रम विद्यालयका शिक्षक रमेश भट्टराईले सहजीकरण गर्नुभएको थियो । जग्गादाता परिवारको तर्फबाट धर्मराज अर्यालको बुहारी हरिमाया अर्याल, नातिहरू कमलचन्द्र अर्याल, वेदनिधि अर्याल, हरिराज अर्याल र विश्वराज अर्यालको उपस्थिति रहेको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच