बैतडी । बैतडीमा ट्रमा सेन्टर सञ्चालनमा आउन सकेको छैन । जिल्लाको पाटन नगरपालिका-८ को खोड्पेमा ट्रमा सेन्टरका लागि भन्दै निर्माण गरिएको संरचना प्रयोगविहीन बनेको छ । दुई वर्षअघि नै ट्रमा सेन्टरका लागि भवन निर्माण भइसके पनि जनशक्ति र उपकरणको अभावमा सञ्चालनमा आउन नसकेको पाटन नगरपालिकाका स्वास्थ्य शाखा प्रमुख मदन सिंह महराले बताउनुभयो । सडक दुर्घटनाका घाइते तथा अन्य विपद्मा परेर घाइते भएकाहरूको आकस्मिक उपचारका लागि ट्रमा सेन्टर निर्माण गरिएको भए पनि सञ्चालनमा आउन नसकेको उहाँले जानकारी दिनुभयो ।
‘भौतिक संरचना निर्माण गरिए पनि आवश्यक जनशक्ति र उपकरणको व्यवस्थापन नहुँदा ट्रमा सेन्टर अलपत्र परेको छ । नगरपालिका आफैँले छुट्टै जनशक्ति भर्ना र उपकरण खरिद गरी सञ्चालनमा ल्याउन सक्ने अवस्था छैन । महराले भन्नुभयो, ‘प्रदेश र संघीय सरकारसँग माग गरिरहेका छौँ ।’
भौतिक संरचना संघीय सरकारले निर्माण गरेको भए पनि ट्रमा सेन्टर सञ्चालनका लागि प्रदेश सरकारलाई हस्तान्तरण गरिसकेको बताइएको छ । संघीय सरकारको ५० लाख तथा पाटन नगरपालिकाको सात लाख गरी ५७ लाखमा ट्रमा सेन्टरका लागि भवन निर्माण गरिएको थियो ।
स्पाइनल ब्यागबोर्ड, एइडी मेसिन, अक्सिजन कन्सन्ट्रेटर, प्यासेन्ट मोनिटर र १५ ओटा बेडसिट ट्रमा सेन्टर रहेका छन् । भवनमा खानेपानी र विद्यत् जडान भइसकेको सिद्धेश्वर स्वास्थ्य चौकीका सिनियर अहेब जयराज भट्टले जानकारी दिनुभयो । एक्सरे मेसिन र विशेषज्ञ चिकित्सकको व्यवस्था गर्नसक्ने ट्रमा सेन्टर सञ्चालनमा ल्याउन सकिने उहाँले बताउनुभयो ।
प्रदेश सरकारलाई जनशक्ति र उपकरणको व्यवस्थापन गरी सञ्चालनमा ल्याउन पटक-पटक आग्रह गर्दै आएको पाटन नगरपालिका-८ वडा अध्यक्ष हरिश विष्टले जानकारी दिनुभयो । ट्रमा सेन्टर सञ्चालनमा ल्याउनका लागि सुदूरपश्चिमका तत्कालीन सामाजिक विकासमन्त्री ओमविक्रम भाट र अहिलेका मुख्यमन्त्री कमलबहादुर शाहलाई ज्ञापनपत्रसमेत बुझाइसकेको विष्टले बताउनुभयो । ‘भवन निर्माण भएको छ । जनशक्ति र उपकरणको अभावले तर सञ्चालनमा आउन सकेको छैन’, उहाँले भन्नुभयो ।
भीरबाट लडेर तथा सडक दुर्घटना र अन्य विपद्जन्य घटनाका घाइतेहरूले समयमा नै उपचार नपाउँदा ज्यान गुमाउनुपर्ने बाध्यता छ । खोड्पेमा विशेषज्ञ चिकित्सक सहितको ट्रमा सेन्टर सञ्चालनमा ल्याउन सके बैतडीसहित बझाङ र दार्चुलाका नागरीहरूलाई सहज हुने उहाँले बताउनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर