काठमाडौं । नेपाल मेडिकल एण्ड ल्याब एक्स्पो आयोजना हुने भएको छ । नेपालमा चिकित्सा तथा प्रयोगशाला क्षेत्रको सबैभन्दा ठूलो बी टु बी इभेन्ट २७ फेब्रुअरी देखि १ मार्चसम्म काठमाडौंको भृकुटीमण्डपमा आयोजना हुने भएको हो । आयोजकका अनुसार यस वर्षको एक्स्पोमा चिकित्सा तथा डायग्नोस्टिक क्षेत्रमा विश्वभरबाट नयाँ उत्पादन र प्रविधिहरू ल्याइँदैछ । नेपाल मेडिकल एण्ड ल्याब शो चिकित्सा, शल्यचिकित्सा, डायग्नोस्टिक तथा अनुसन्धान प्रयोगशालाको बजार केन्द्रका रूपमा निरन्तर विकसित भइरहेको छ । समर्पित चिकित्सा तथा प्रयोगशाला मञ्चका रूपमा आयोजना हुने मेडिकल एक्स्पोले चिकित्सा क्षेत्रका प्रमुख अस्पताल, चिकित्सक, प्याथोलोजिस्ट, वैज्ञानिक, डिलर, वितरक, आयातकर्ता, खुद्रा बिक्रेता तथा अन्य खरिदकर्ता समूहलाई जोड्ने एक विश्वसनीय अन्तर्राष्ट्रिय स्रोत केन्द्रका रूपमा स्थापित भएको आयोजकको भनाइ छ ।
विशेषरूपमा चिकित्सा तथा डायग्नोस्टिक्स क्षेत्रका सबै विधा समेट्ने रणनीतिक प्रदर्शनीका रूपमा एक्स्पोले अन्तर्राष्ट्रिय उत्पादनको विस्तृत दायरा प्रस्तुत गर्ने बताइएको छ । एक्स्पोमा भारत, नेपाल, बंगलादेश, सिंगापुर, मलेसिया, चीन, जर्मनी, पाकिस्तानलगायतका देशबाट उच्च गुणस्तरका आपूर्तिकर्ताको सहभागिता रहने आयोजकले जनाएको छ । गत वर्ष नेपाल मेडिकल एण्ड ल्याब एक्स्पोले नेपाल तथा अन्तर्राष्ट्रिय उद्योग, प्रदर्शक तथा आगन्तुकबाट अत्यन्त सकारात्मक प्रतिक्रिया प्राप्त गरेको थियो । २०२४ को एक्स्पोमा पाँच अन्तर्राष्ट्रिय देश तथा नेपालभरका चिकित्सा समुदाय गरी नौ हजारभन्दा बढीले अवलोकन गरेका थिए भने १५ भन्दा बढी देशहरूबाट पाँच सयभन्दा बढी ब्राण्ड तथा उत्पादकले सहभागिता जनाएका थिए ।
केमिकल एण्ड मेडिकल सप्लायर्स एसोसिएसन अफ नेपाल, इञ्जिनियरिङ एक्सपोर्ट प्रमोसन काउन्सिल तथा एसडी प्रोमो मिडियाको सह–आयोजनामा हुने एक्स्पोमा अन्य प्रमुख उद्योग व्यापार संस्थाहरूको सहयोग रहने आयोजकले जनाएको छ । नेपाल मेडिकल एण्ड ल्याब एक्स्पो भारतीय तथा अन्तर्राष्ट्रिय उद्योगका लागि एक प्रतिष्ठित उद्योग मञ्चका रूपमा स्थापित भइसकेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच