एजेन्सी । फेनेरबाचेका म्यानेजर जोसे मोरिन्होलाई चार खेलको प्रतिबन्ध लगाइएको छ । सोमबारको खेलपछि दिएको टिप्पणीका लागि उहाँलाई जरिवाना पनि गरिएको हो । गालाटासारेले मोरिन्होलाई इस्तानबुल डर्बीपछि जातीय टिप्पणी गरेको आरोप लगाएको थियो । फेनेरबाचेले एक विज्ञप्ति जारी गर्दै उहाँका टिप्पणीहरू पूर्णरूपमा सन्दर्भबाट बाहिर निकालिएको दाबी गरेको थियो ।
सोमबार भएको खेल गोलरहित बराबरीमा सकिएको थियो, जसको रेफ्री स्लोभेनियाका स्लाभ्को भिन्सिक हुनुहुन्थ्यो । दुवै क्लबले विदेशी रेफ्री राख्न अनुरोध गरेपछि उहाँलाई नियुक्त गरिएको थियो । तर, चौथो रेफ्री टर्कीका थिए, जसलाई लिएर मोरिन्होले आफ्नो पोष्ट-म्याच समाचार सम्मेलनमा टर्कीका रेफ्रीहरूमाथि आलोचना गर्नुभएको थियो ।
यसैगरी, ला लिगाका अध्यक्ष जेभियर तेबासले राज्य-नियन्त्रित कम्पनीहरूसँग सम्बन्धित नियम उल्लंघन गरेको आरोप लगाउँदै म्यानचेस्टर सिटीविरुद्ध युरोपियन आयोगमा उजुरी गर्नुभएको छ । उहाँका अनुसार हाल यो मुद्दा युरोपियन आयोगको अनुसन्धान चरणमा रहेको छ । युरोपियन आयोग युरोपियन संघको कार्यकारी निकाय हो, जसले सदस्य राष्ट्रहरूका लागि कानुन विकास र कार्यान्वयन गर्ने जिम्मेवारी लिन्छ ।
तेबासका अनुसार यो उजुरी सिटीको नियम छल्ने संरचनाको विषयमा केन्द्रित छ । ला लिगाले म्यानचेस्टर सिटीलाई इंग्लिस प्रतियोगिताहरू र च्याम्पियन्स लिगमा अन्य क्लबसँग असमान प्रतिस्पर्धात्मक लाभ मिलेको आरोप लगाएको छ । सिटीले तेबासका आरोपहरूमाथि कुनै टिप्पणी गरेको छैन, तर क्लब स्रोतहरूले यी आरोपलाई पूर्णरूपमा अस्वीकार गरेका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर